|
Статьи на кабардинском языке
9 февраля, 2021 - 06:36
Къэбэрдей-Балъкъэрым щыпащэ коронавирусым ущызыхъумэ мастэр цIыхухэм яхэлъхьэным. Вакцинэр щыхаIу щIыпIэхэр яубзыхуащ, а лэжьыгъэм къыхузэрагъэпэща гупхэр лэжьапIэхэм кIуэурэ мастэр абы щыхаIу. Республикэм и хабзэубызыху органми «Гам-Ковид-Вак» урысей вакцинэр иджыблагъэ щыхалъхьащ КъБР-м и Парламентым и депутатхэмрэ Аппаратым и лэжьакIуэхэмрэ.
8 февраля, 2021 - 07:13
Урысей Федерацэм футболымкIэ и етIуанэ дивизионым и Япэ гупым 2020 - 2021 гъэхэм щыIэ зэхьэзэхуэм и етIуанэ Iыхьэм Къэбэрдей-Балъкъэрым и къалащхьэм зыщыхуэзыгъэхьэзыр «Спартак-Налшыкым» щIышылэм и 29-м етIуанэ зэныбжьэгъугъэ зэIущIэр «ДыгъафIэ къалэм» и стадионым щригъэкIуэкIащ.
8 февраля, 2021 - 07:08
Дыкъэзыухъуреихь дуней дахэр Къытщхьэщытыр къызэрытхуэупса хъугъуэфIыгъуэу, ар хъумэныр дэтхэнэми ди къалэну зэрыщытыр сабийхэм къагурыIуэу къэгъэтэджыныр мыхьэнэшхуэ зиIэ Iуэхугъуэщ. «Урысеймэкъумэшбанк» (РСХБ) IэнатIэм и IэщIагъэлIхэм гулъытэ хэха хуащI абы. Банкым и лэжьакIуэхэр иджыблагъэ хэтащ «Дызэгъусэу щIыуэпсыр тхъумэнщ» социально-экологие акцэм.
8 февраля, 2021 - 07:03
КъБР-м и Iэтащхьэ КIуэкIуэ Казбек, хабзэ зэрыхъуам тету, «муниципальнэ сыхьэт» иригъэкIуэкIащ. Абы щытепсэлъыхьащ республикэм щыIэ эпидемиологие щытыкIэм, лъэпкъ проектхэр зэрагъэзащIэм, къагъэсэбэпа энергием хуэзэ уасэр зэратым, муниципальнэ зэгухьэныгъэхэм я сэбэп зыхэлъхэм судхэм къащыщхьэщыжыным ехьэлIа лэжьыгъэр зэрызэтеухуа щIыкIэм.
8 февраля, 2021 - 06:58
КъБР-м и Iэтащхьэ КIуэкIуэ Казбек мазаем и 5-м Москва щыIущIащ Урысей Федерацэм ухуэныгъэмрэ псэупIэ-коммунальнэ IэнатIэмкIэ и министр Файзуллин Ирек.
ЗэIущIэм щытепсэлъыхьащ «ПсэупIэ» щIыналъэ проектыр Къэбэрдей-Балъкъэрым 2020 гъэм зэрыщагъэзэщIам кърикIуахэм, ухуэныгъэ IэнатIэмрэ ЖКХ-мрэ 2030 пщIондэ зегъэужьынымкIэ щыIэ хэкIыпIэхэм.
5 февраля, 2021 - 08:50
Лъэхъэнэ псоми я усакIуэГете И. В., Шиллер Ф., Дессинг Г. Э. хуэдэ цIыхушхуэхэм ящIыгъуу зи цIэр къраIуэ нэмыцэ усакIуэ, прозаик, критик икIи публицист Гейне Генрих Дюссельдорф щыщ журт унагъуэм 1797 гъэм къыщалъхуащ. Унагъуэ еджапIэм, франджыбзэкIэ щрагъаджэ лицейм щIэсащ. Ахэр къиуха нэужь, ныбжьыщIэм и гугъащ коммерцэ Iуэхум хыхьэну.
5 февраля, 2021 - 08:45
Ди профессионал футбол клубым и КIэлъыплъакIуэ советырэ Къэбэрдей-Балъкъэрым
СпортымкIэ и министерствэмрэ зэгъусэу къызэрагъэпэща зэIущIэр йокIуэкI.
5 февраля, 2021 - 07:22
НыбжьыщIэ 785-рэ зыщIэхуэну курыт еджапIэщIэ Прохладнэ къалэ округым щыухуэным ехьэлIа лэжьыгъэхэм 2021 гъэм зэрыщIадзэр КъБР-м и Iэтащхьэ КIуэкIуэ Казбек иритхащ «Инстаграм»-м щиIэ накIуэцIым. Къалэ округымрэ муниципальнэ щIыналъэмрэ зэман гъунэгъум зэрызаужьыну щIыкIэми и гугъу ищIащ Iэтащхьэм.
4 февраля, 2021 - 07:20
Ди къэралым и щIалэгъуалэм хэкум лъагъуныгъэ хуаIэу къэгъэхъуным теухуа псалъэмакъ аргуэру къежьэжащ, щIышылэ мазэм щыIа абыхэм ящыщ куэд зыхэта зэрыхьзэрийхэм яужькIэ.
4 февраля, 2021 - 07:16
Японием и къалащхьэ Токио нэгъабэ щыIэн хуея Гъэмахуэ Олимп Джэгухэр мы гъэм къагъэIэпхъуащ коронавирус уз зэрыцIалэм зыщахъумэн папщIэ. Къэбэрдей-Балъкъэрым щыщу абы кIуэну шэч къытрамыхьэу я цIэ къраIуэ лъагэу дэлъеинымкIэ дуней псом щынэхъ лъэщхэм хабжэ Ласицкене (Кучинэ) Мариерэ Акименкэ Михаилрэ. Олимп зэпеуэхэм хуэпабгъэу абыхэм дызэрыт илъэсыр ирагъэжьащ.
Страницы
|