Японием и къалащхьэ Токио нэгъабэ щыIэн хуея Гъэмахуэ Олимп Джэгухэр мы гъэм къагъэIэпхъуащ коронавирус уз зэрыцIалэм зыщахъумэн папщIэ. Къэбэрдей-Балъкъэрым щыщу абы кIуэну шэч къытрамыхьэу я цIэ къраIуэ лъагэу дэлъеинымкIэ дуней псом щынэхъ лъэщхэм хабжэ Ласицкене (Кучинэ) Мариерэ Акименкэ Михаилрэ. Олимп зэпеуэхэм хуэпабгъэу абыхэм дызэрыт илъэсыр ирагъэжьащ.

НыбжьыщIэ 785-рэ зыщIэхуэну курыт еджапIэщIэ Прохладнэ къалэ округым щыухуэным ехьэлIа лэжьыгъэхэм 2021 гъэм зэрыщIадзэр КъБР-м и Iэтащхьэ КIуэкIуэ Казбек иритхащ «Инстаг­рам»-м щиIэ накIуэцIым. Къалэ округымрэ муниципальнэ щIыналъэмрэ зэман гъунэгъум зэрызаужьыну щIыкIэми и гугъу ищIащ Iэтащхьэм.

Ди профессионал футбол клубым и КIэлъыплъакIуэ советырэ Къэбэрдей-Балъкъэрым

СпортымкIэ и министерствэмрэ зэгъусэу къызэрагъэпэща зэIущIэр йокIуэкI.

«2020 гъэм и щIэныгъэлI ныбжьыщIэ нэхъыфI» дунейпсо проектым япэ нагъыщэ зиIэ и дипломымрэ «2020 гъэм и щIэныгъэлI ныбжьыщIэ нэхъ пажэ» бгъэхэIу дамыгъэмрэ иджыблагъэ къыхуагъэфэщащ Къэбэрдей-Балъкъэр къэрал мэкъумэш университетым и агрономие факультетым и студент Бейтыгъуэн Исмэхьил.

КъБР-м и Iэтащхьэ КIуэкIуэ Казбек лэжьыгъэ IуэхукIэ щыIащ Прохладнэ муниципальнэ щIыналъэмрэ Прох­ладнэ къалэ округымрэ.

Ди къэралым и щIыпIэ куэдым мы махуэхэм щагъэлъэпIащ Хэку зауэшхуэм и лъэхъэнэм къэухъу­реиныгъэм махуэ 900-м нэскIэ ита Ленинград къалэм блокадэр зэ­-рыщ­хьэщахыжрэ илъэс 77-рэ зэ­рыри­къур. Тхыдэм IэгупIэу къыхэна а къахъугъэм теухуа Iуэху­гъуэ-хэр щекIуэкIащ ди республи­кэми.

КъБР-м и Парламентым и УнафэщI Егоровэ Татьянэ зи чэзу зэIущIэр иджыблагъэ иригъэкIуэкIащ. «Правительствэм хухах сыхьэтым» хыхьэу, депутатхэр едэ­Iуащ афиянымрэ фадэмрэ дихьэхахэм Къэбэрдей-Балъкъэрым зэращыдэIэпыкъум теухуауэ КъБР-м узыншагъэр хъумэнымкIэ и министр Къалэбатэ ­Рустам ищIа докладым.

КъБР-м и Iэтащхьэ КIуэкIуэ Казбек щIышылэм и 28-м хэтащ КъБР-м Транспортымрэ гъуэгу хозяйствэмкIэ и министерствэм иригъэкIуэкIа зэIущIэм. Зэхуэсым кърихьэлIащ къэрал кIуэцI IуэхухэмкIэ министру КъБР-м щыIэ Павлов Василий, Налшык къалэ округым и щIыпIэ администрацэм и Iэтащхьэ ­Ахъуэхъу Таймураз.

КъБР-м и Iэтащхьэ КIуэкIуэ Казбек хэтащ ­КИФЩI-м коронавирус узы­фэ зэрыцIалэм зыщемыгъэубгъуным пыщIа Iуэхухэм, абыхэм а узым щызыхъумэ мастэр цIыху­­хэм яхэлъхьэнри хэту, хуэунэтIауэ Урысей Федерацэм и Президентым и полномочнэ лIы­кIуэу Кавказ Ищхъэрэ федеральнэ щIыналъэм щыIэ Чайкэ Юрий иригъэкIуэкIа зэIущIэм.

«Мы илъэсым и проектхэмрэ программэхэмрэ нэхъ жыджэру делэжьын хуейщ!» - «муниципальнэ сыхьэтыр» къыщызэIуихым КIуэкIуэ Казбек апхуэдэу дыгъуасэ захуигъэзащ къалэ округхэмрэ муниципальнэ щIыналъэ­хэмрэ я унафэщIхэм.