КъБР-м и Правительст­вэм хэтхэр, муниципальнэ щIыналъэхэмрэ къалэ ­округхэмрэ я Iэтащхьэхэр кърихьэлIэу тхьэмахуэ ­зэ­хуаку къэс къызэрагъэ-пэщ зэIущIэр иригъэ­кIуэкIащ КIуэкIуэ К. В. Абы щыхэплъащ муниципалитетхэм я бюджетхэр зэ­рагъэзащIэм, лъэпкъ ­проектхэм я щIыналъэ Iыхьэхэр къызэры­зэра­гъэ­пэ­щым, къагъэсэбэпа энер­­гием и уасэр зэрат щIы­­кIэм япыщIа Iуэхухэм.

ЗэIущIэм докладхэр щащIащ КъБР-м и Правительствэм и УнафэщI Мусу- ков А.ТI., КъБР-м и Прави­тельствэм и УнафэщIым и япэ къуэдзэ КIэрэф М. А., КъБР-м и Правительствэм и УнафэщIым и къуэдзэ - ­КъБР-м инфраструктурэм-рэ бжыгъэхэр зи лъабжьэ зыужьыныгъэмкIэ и ми­нистр Бэлэтокъуэ В. Хь. сымэ. Апхуэдэу къэпсэлъахэщ «Газпром Межрегионгаз Нал­­шык» ООО-м и гене­ральнэ директор Цыплухин А. Г., «Къэббалъкъэнерго» ак­­ционер зэгухьэныгъэм и унафэщIым и къалэнхэр ­зыгъэзащIэ Къанэмэт М. З.
Зэман благъэм къриу­быдэу къэув къалэн нэхъыщхьэхэм ящыщу зэIущIэм къыщагъэлъэгъуащ егъэ­джэныгъэм, узыншагъэр хъумэным, щэнхаб-зэм, спортым я IэнатIэхэм хиубыдэу яухуэ IуэхущIапIэхэр ягъэува пIалъэхэм къы­зэIухыныр, гъуэгумрэ транспортымрэ я инфраструктурэр, оперативнэ Iэ­натIэхэр щIымахуэм зэры­лэ­жьэнум нэгъэсауэ хуэгъэ­хьэзырыныр, жылагъуэхэр зэIузэпэщ щIыныр.
ЗэрыжаIамкIэ, иджыпсту Нарткъалэ, Ташлы-Тала, Прохладнэ, Аргудан, Белэ Речкэ школ щхьэхуэхэр, сабий садхэр, спорт комп­лексхэр щызэгъэпэщы­жы­ныр зэфIагъэкI, республикэм и районхэм я жылэ-             хэр зэIузэпэщ ящI, ­щэн­­хабзэм и унэу, зы­гъэп­сэхугъуэр къызэзыгъэпэщ IуэхущIапIэу пщыкIуз щы­зэ­рагъэпэщыж.
Щхьэхуэу тепсэлъыхьащ къа­гъэсэбэпа энергием и уасэр зэратым.
Иужьрей зэманым ирагъэкIуэкIа лэжьыгъэхэм я фIыщIэкIэ газымрэ электрокъарумрэ я уасэр зэратыр нэрылъагъуу ефIэкIуащ. Илъэ­сыр къызэрихьэрэ газ уасэм и процент 77,7-р, электрокъарум и уасэм и процент 91,6-р зэхуахьэ-сащ. Энергием  и  уасэмкIэ щIыхуэ къатемыхуэу йокIуэкI республикэ бю­д­жетым­рэ щIыпIэ бюджетхэмрэ я ахъшэм ирилажьэ Iуэ­хущIапIэхэр.
Апхуэдэу щыт пэтми, мы IэнатIэм щыIэ щытыкIэм арэзы укъищIу зихъуэжакъым. Япэхэми хуэдэу, гу­гъуехь нэхъыщхьэхэм ящыщщ хуабэ энергиер ­къэ­зылэжь комплексымрэ электросетымрэ жьы дыдэ зэрыхъуар. А  IэнатIэхэм ахъ­шэ­ш­хуэ хэлъхьэн хуейщ иджырей проектхэр щагъэ­зэщIэн папщIэ.
Республикэм и Прави­тельствэм хэтхэм, къалэ ­район администрацэхэм я Iэтащхьэхэм, «Газпром Меж­регионгаз Налшык», «Къэббалъкъэнерго» зэгухьэныгъэхэм я унафэщIхэм гу ­лъ­рагъэтащ псэупIэ-коммунальнэ хозяйствэм и IуэхущIапIэхэр зэкIэлъыкIуэу къэ­гъэщIэрэщIэжыным хуэу­­­нэтIа Iуэхухэр убзыхун, апхуэдэу къагъэсэбэпа энергием и уасэр зэрат щIы­кIэр нэхъ зэIухауэ егъэ­кIуэ­кIын зэрыхуейм.
Мы IэнатIэм щылажьэ уна­фэщIхэм ящыщу зи к­ъа­лэнхэм нэгъэсауэ пэмы­лъэщ­хэм я Iуэхум хэхауэ хэп­лъэ­­нущ, къигъэлъэгъуащ КIуэ­кIуэ Казбек.
«2024 гъэм нэсыху Уры-  сей Федерацэм зегъэужьы­нымкIэ лъэпкъ мурадхэмрэ стратегие къалэнхэмрэ я IуэхукIэ» Урысей Федерацэм и Президентым къы­дигъэкIа Указыр гъэзэ­щIэ­ным хиу­быдэу ялэжьахэм тепсэ­лъы­хьащ КъБР-м и Правительст­вэм и Унафэ­щIым и япэ къуэ­дзэ КIэрэф Мурат. Абы къигъэлъэгъуащ лъэпкъ проект 12-м я щIыналъэ Iыхьэхэр гъэхьэзырынымкIэ властым и гъэзэщIакIуэ органхэм ­ирагъэкIуэкIыну Iуэхухэр ­нэсу зэрызэтрагъэувар. ­КъБР-м и Iэтащхьэм и деж Стратегие планхэмрэ лъэпкъ проектхэмкIэ щыIэ советым хэтынухэр  яубзыхуащ  икIи абы  теухуа положенэр ­къащ­тащ. УнэтIыныгъэ псоми елэ­­жьыну лэжьакIуэ гуп­хэр къы­з­э­рагъэпэщащ.
КIуэкIуэ Казбек къызэригъэувам тету, республикэм и министерствэхэмрэ ведомствэхэмрэ убзыхуауэ ядолажьэ гъэзэщIакIуэ влас-тым и федеральнэ органхэм я IэнатIэу лъэпкъ проектхэр гъэзэщIэным пыщIахэм.
КIуэкIуэ К. В. къыхигъэщ­хьэхукIащ лъэпкъ проектхэр гъэзэщIэныр хэкIыпIэ лъэщу зэрыщытыр икIи «республикэм исхэм я псэукIэр егъэфIэкIуэнымкIэ абы IэмалыщIэхэр къызэритыр».