«УхуакIуэ» Къэбэрдей-Балъкъэр колледжымрэ» Автогъуэгу колледжымрэ я студентхэу Прозоровский Александррэ Кизарисов Султанрэ зыхуагъэзащ КъБР-м и УМВД-м и жылагъуэ советым хэт Аттоевэ Дианэ, икIи жраIащ Ингуш уэрамым ирикIуэу бохъшэ къызэрагъуэтар. 

Абы дэлът Хьэсэней къуажэм щыщ гуэрым и паспортымрэ банк картэхэмрэ. 
Аттоевэр УВДМ-и и лэжьакIуэхэм хъыбар яригъащIэри, участковэхэу Геляев Рашидрэ Ахматов Русланрэ тхылъыр зейр икIэщIыпIэкIэ къагъуэтри, иратыжащ. 
ЩIалэщIэм зэрыжиIамкIэ, зи ныбжь хэкIуэта цIыхухъу гуэрым дэIэпыкъуурэ и псэупIэм нэс игъэIэпхъуэжат, икIи гу лъитакъым и сумкэр зэпытхъыу хьэпшыпхэр къызэрищэщам. 
Абы и тхылъхэмрэ картэхэмрэ къэзыгъуэтыжу Iэрызыгъэхьэжа щIалэхэми, хабзэхъумэхэми, Аттоевэми фIыщIэ яхуищIащ. 
- Гуапэ мыхъуу къанэркъым апхуэдэ ныбжьыщIэ нэбдзэгубдзаплъэхэр, гу къабзэхэр къызэрытщIэхъуэр. Сыхуейт абыхэм еджапIэр къайхъулIэну, насыпыфIэ хъуну. ФIыщIэ лей яхуэфащэщ ахэр зыпIа адэ-анэхэм, - жиIащ абы. 
 

Фырэ Анфисэ.