КIуэкIуэ Казбек лэжьыгъэ IуэхукIэ яхуэзащ Къэбэрдей-Балъкъэрым и рай­онхэмрэ къалэ округхэмрэ я администрацэхэм я Iэтащхьэхэм икIи ахэр зи унафэщI щIыналъэхэм социально-экономикэ и лъэныкъуэкIэ зегъэужьыным теухуа зи чэзу Iуэхухэм тепсэлъыхьащ.

Къэрал властымрэ щIыпIэ унафэр ­зегъэкIуэнымкIэ органхэмрэ къапэщыт къалэнхэм щытепсэлъыхьым, КъБР-м и Iэтащхьэм и къалэнхэр пIалъэкIэ зыгъэ­защIэм гулъытэ хэха хуищIащ узынша-гъэр хъумэн, егъэджэныгъэ, щэнхабзэ, спорт IэнатIэхэм щрагъэкIуэкI ухуэныгъэхэр, зэгъэпэщыжыныгъэхэр зэфIэгъэ­кIын, зи школ кIуэгъуэ мыхъуа сабийхэр зэкIуалIэ IуэхущIапIэхэм, илъэсищ иримыкъуахэм щыкIэлъыплъхэм, нэхъри зегъэубгъун зэрыхуейм.
Щхьэхуэу и гугъу ящIащ Къэбэрдей-Балъкъэрым и жылэхэр псыкIэ къызэгъэпэ­щыным, цIыхухэр жьы дыдэ хъуа, къеухынкIэ шынагъуэ унэхэм къыщIэгъэIэпхъукIы­ным, псэупIэхэм къедза щIыпIэхэр зыхуей хуэгъэзэным, къалэхэм тыншыпIэ псори щыIэным, энергиемрэ ЖКХ-м и Iуэхутхьэбзэхэмрэ папщIэ ямыту зэтрихьа щIыхуэхэр зытегъэкIыжыным, щIыпIэ унафэр зегъэкIуэнымкIэ органхэм я аппаратхэр Iыгъы­ным трагъэкIуадэр гъэмэщIэным теу­хуа Iуэхухэм.