КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек республикэм и волонтёрхэм ящIыгъуу экологие лэжьыгъэм хэтащ. А махуэм ТекIуэныгъэм и стелэу Налшык къалэм дэтым деж жыгыщIэу 120-рэ щыхасащ.

Хабзэ дахэу къокIуэкI ЦIыхубзхэм я дунейпсо махуэр гъатхэпэм и 8-м гъэлъэпIэныр.

Урысей Федерацэм и Правительствэм и УнафэщIым и къуэдзэ Козак Дмитрий Москва щригъэкIуэкIащ щIэупщIэ зиIэ продукцэ къыщIэгъэкIынымкIэ IэнатIэ зэмылIэужьыгъуэхэм яхуэгъэза программэхэр зыгъэзащIэ организацэхэм къэралым и дэIэпыкъуныгъэ етыным теухуа ­селектор зэIущIэ.

КъБР-м и Парламентым и УнафэщI Егоровэ Татьянэ иджыблагъэ иригъэкIуэкIа зэIущIэм депутатхэр Iуэхугъуэ 40-м щIигъум щыхэплъащ.

Бахъсэн район администрацэм и Iэтащхьэм деж щызэхэтащ цIыхухэм драгъэкIуэкI лэжьыгъэм, балигъ мыхъуахэм я IуэхукIэ комиссэм илэжь­-хэм теухуа зэIущIэ.

Бэрбэч Хь. М. и цIэр зезыхьэ Къэбэрдей-Балъкъэр къэрал университетым щызэхуащIыжащ «Iэ­щIагъэм хуэIэзэ ныбжьыщIэхэр» III щIыналъэ чемпионатыр. Абы ирихьэлIащ КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ К. В., КъБР-м къегъэщIылIа федеральнэ инспектор нэхъыщхьэ Ткачёв Е. А., КъБР-м и Парламентым, КъБР-м и Правительствэм, министерствэхэмрэ ведомствэхэмрэ я унафэщIхэр.

БлэкIа мазэм и иужьрей махуэм Урысей Федерацэм и Федеральнэ Зэхуэсым и Къэрал Думэм и депутат Геккиев Заур «Урысей зэкъуэт» партым и тхьэмадэ Медведев Д. А. и жылагъуэ екIуэлIапIэу Налшык къалэм дэтым щахуэзащ зи щхьэ IуэхукIэ къекIуэлIахэм.

Правительствэм и Унэм КIуэкIуэ Казбек щахуэзащ къэралым IэщIэлъ цIы­хубэ хъыбарегъащIэ IуэхущIапIэхэм я унафэщIхэм.

КIуэкIуэ Казбек Правительствэм и Унэм щахуэзащ КъБР-м и художник КIыщ Мухьэдинрэ абы и щхьэгъусэ, искусствовед Мосс Жаклин Дианэрэ.

Бахъсэн къалэ округым щIыпIэ унафэр зегъэкIуэнымкIэ и советым и сессием иджыблагъэ къыщапщытэжащ 2018 гъэм щIыналъэ администрацэмрэ депутатхэмрэ ирагъэкIуэкIа лэ­жьыгъэм кърикIуахэр.