Багъалы жерлешлерим!

Бюгюн, Кавказ уруш бошалгъанлы 159 жыл толгъан кюн, биз, ол къанлы къазауатны, адыгланы ёмюрлени теренинден келген тарыхларыны бек ачыулу кезиулеринде жоюлгъанланы эсгере, алагъа баш урабыз.

Къабарты-Малкъарны къыраллыгъыны кюнюн белгилеуню чегинде августда «Эльбрусиада – 2022» боллукъду, анга кёре Россейни жер-жерлеринден келип, Минги таугъа бир жолгъа 100 адам чыгъарыкъды. 

Къулийланы Къайсын атлы  Малкъар  къырал драма театрда биринчи малкъар профессионал драматург эм режиссёр Геляланы Рамазанны эсгериу ингир къуралгъанды. Аны чеклеринде театровед эм журналист Сараккуланы Асиятны «Геляланы Рамазан: жашауда, сахнада да» деген китабыны презентациясы болгъанды.

Къабарты-Малкъарны эллерини араларында Терс-Къол энчиди. Аны юсюнден Россейде, андан тышында да биледиле, бери тау лыжалада учаргъа жер-жерледен туристле, альпинистле, тири солууну сюйгенле ашыгъадыла.

Чегем районда Сабий музыка школ жарым ёмюрден аслам заманны жетишимли ишлеп келеди. Ол кезиуге мекямдан хунерли музакантланы кёп тёлюсю чыкъгъанды. Бюгюнлюкде да анга 250-ден аслам сабий жюрюйдю.

КъМР-ни 100-жыллыгъын белгилеуню чеклеринде Парламентде «Къабарты-Малкъар Россей Федерацияны къауумунда: мурдору, айныуу, конституция болуму» (1922-2022 жж) деген темагъа битеуроссей илму конференция бардырылгъанды. 

Тюнене КъМР-ни Башчысы Казбек Коков Парламентни мекямында депутатла бла тюбешгенди. Анда сёз республиканы 2021 жылда социал-экономикасыны болумуну, быйылгъа салыннган борчланы юслеринден баргъанды.  

РФ-ни Эл мюлк министерствосуну битимчилик, механизация, химизация эмда битимлени къоруулау департаментини башчысы Роман Некрасов бу кюнледе Къабарты-Малкъарда болгъанды. Ол мында битимчилик мюлклени башчылары эмда къырал власть органланы келечилери бла тюбешгенди.

 Республиканы Спорт министерствосунда Россейни ММА-дан биринчилигине хорлагъан жаш спортчула бла тюбешиу болгъанды, аны ведомствону башчысыны орунбасары Аналаны Аслан бардыргъанды. 

Прохладна районда Учебное элни къатында гитче автобусда бара тургъанлай авариягъа тюшген сабийлени ючюсю къыйын болумдадыла, аланы реанимациягъа кёчюргендиле. Аны юсюнден КъМР-ни саулукъ сакълау министерствосу билдиргенди.