Петербургда бардырылгъан халкъла аралы экономика форумда КъМР-ни Башчысы Казбек Коков чекленнген жууаплылыгъы болгъан  «СберТройка» биригиуню генеральный директору Валерий Матюхин бла тюбешгенди.

Патчах Россей  аны къауумуна кирген халкъланы ичинде интеллигенцияны ёсдюрюуге, аланы болушлукълары бла регионлада къыраллыкъны кючлеуге уллу магъана бергенди.

 «РусГидро» обществону регионда бёлюмюню болушлугъу бла Нальчикде гитче футболдан, шахматладан, чабыудан, велосипедледе учуудан эришиуле бардырылгъандыла. Алагъа спорт-адаптив школдан бла жай лагерьледе солугъан 500-ден аслам сабий къатышхандыла.

Билим бериуню россейли академиясы «Дин культураны мурдорлары» эм «Россейни халкъларыны культураларыны мурдорлары» деген предметлени  юйретиу ишде магъаналары: «проблемала эм аланы тамамлау жолла» деген тёгерек столну онлайн халда бардыргъанды.

КъМР-ни Жамауат палатасында Коммерциялы болмагъан организацияланы (НКО) советини  жыйылыуу ётгенди.   Анда  аны  председатели  эм оноучу къаууму айырылгъанды.

Совет 2011 жылда къуралгъанды. Ол кезиуде аны къауумуна 51 организация киргенди. Бюгюнлюкде уа аланы саны 890-гъа жетгенди.

«Саулукъ сакълау» миллет проектни «Саулукъ сакълауну биринчи звеносун игилендириу» регионал программасына тийишлиликде КъМР-ни Саулукъ сакълау министерствосу республиканы 7 районуну эллерини амбулаторияларына бла ФАП-ларына деп «Нива» эм «Гранта» маркалы оналты женгил халлы автомашина сатып алгъа

КъМР-ни Транспорт эмда жол мюлк министерствосундан билдиргенлерича, «Прохладный - Бахсан – Элбрус» федерал жолда 800 машинагъа тохтар жерни къурау  башланнганды.

Бизни къыралда битеу керекли аш-азыкъладан хар не да элпекди. Андан артыгъы экспортха жибериледи. Продукциягъа сурам ёсе барады, аны чыгъарыу бла кюрешгенле уа импортну алышындырыу программаны андан ары толтурургъа таукел боладыла.

Ташлы-Таланы школунда къуралгъан лагерьде солугъан сабийлеге къонакъгъа полициячыла баргъандыла. Жолда жюрюуню къоркъуусузлугъуну эмда акъылбалыкъ болмагъанланы ишлери  жаны бла инспекторла   суратланы конкурсун да къурагъандыла.

Быйыл Къабарты-Малкъарны 100- жыллыгъына  Нальчикни жети скверинде беш минг терек, юлкю эм гюлле  салынырыкъдыла. Аны юсюнден бизге шахар округну  администрациясыны  пресс-службасындан билдиргендиле.