Мы махуэхэм Псыхуабэ щрагъэжьэжащ «Мэшы­къуэ-2023» зэхыхьэм хэта япэ гупыр. А Iуэхум зыкъ­ра­гъэ­хьэлIат УФ-м и Федеральнэ Зэхуэсым и Къэрал Думэм и депутат Бондаренкэ Еле­нэр­э Ставрополь щIыналъэм и Правительствэм и унафэщIым и къуэдзэ, щIыналъэм финансхэмкIэ и министр Калинченкэ Ларисэрэ.

ЗэхъуэкIыныгъэхэр щыкуэдщ ди гъащIэм. Апхуэ­дэу мы гъэм фокIадэм и 1-м къыщыщIэдзауэ мардэ­щIэхэм тоувэ къэралым щы­лажьэ спорт школхэр. Ахэр егъэджэныгъэ щы­зэфIах Iуэ­хущIапIэхэм хуагъэдэнущ, сабийхэм ядэлажьэ гъэ­сакIуэхэр, тренерхэр педагогикэ IэщIагъэлIу къалъытэнущ. А Iуэхугъуэ­щIэхэм ятеухуауэ федеральнэ хабзэхэм халъхьа зэхъуэкIыныгъэхэр иджыб­лагъэ хэIущIыIу ящIащ.

Гъэ еджэгъуэщIэм щIидзэжыным ирихьэлIэу автоинспекторхэм, КИФЩI-м щыIэ «Роспотребнадзор»-м и МТУ-м, КъБР-м Транспортымрэ гъуэгу хозяйствэмкIэ и министерствэм, щIыналъэ егъэджэныгъэ IэнатIэхэм я лIыкIуэхэмрэ еджапIэхэм я унафэщIхэмрэ ящIыгъуу къапщытащ школ автобусхэр.

США-м щыIэ Вайоминг лъэпкъ паркыр хуэсакъыпэу яхъумэми, алъандэрэ цIыхум имылъэгъуа щIыуэпс насыпыншагъэ къызэрыкIынкIэ хъуну къэбэкъауэ (вулкан) итщ. Гуэл щхъуантIэхэмрэ псыкъауэ (гейзер) телъыджэхэмрэ я щIыналъэм тепсэлъыхьыху щIэныгъэлIхэм я нэгу къыщIэувэр псэ зыIут зи дунейм темытыж, мафIэм исыжа ЩIы хъурейщ.