|
«Сабийр школым худогъэхьэзыр»
20 августа, 2023 - 09:20
Мы зэманым дэнэкIи щокIуэкI сабийхэмрэ ныбжьыщIэхэмрэ гъэ еджэгъуэщIэм хуэгъэхьэзырыжыным епха лэжьыгъэхэр. А Iуэхум жыджэру хэтщ адэ-анэхэри, еджапIэхэри, къэрал, жылагъуэ зэгухьэныгъэхэри. Хэти сабийхэр щыгъынкIэ къызэрегъэпэщ, адрейхэри тхылърэ еджэным къыщагъэгъэсэбэпын нэгъуэщI хьэпшыпхэмкIэ яхуоупсэ, нэгъуэщIхэри йолIалIэ щIэныгъэ зэгъэгъуэтыным хэт псоми IэмалыфIхэр яIэным.
Апхуэдэ лэжьыгъэхэм хиубыдэу ди республикэм и щIыналъэхэм щокIуэкI «Сабийр школым худогъэхьэзыр» псапащIэ Iуэхур. ЕгъэджэныгъэмкIэ район IэнатIэхэм я жэрдэмкIэ, гулъытэ хуащIынущ ди къэралым къыхыхьагъащIэ щIыналъэхэм щыпсэу ныбжьыщIэхэми.
Шэджэм районым егъэджэныгъэмкIэ и IэнатIэм и унафэщIхэм я жэрдэмкIэ, апхуэдэ псапэ лэжьыгъэ щокIуэкI мы махуэхэм. ШыщхьэуIум и 25 хъухукIэ щIыналъэм щызэхуахьэсынущ сабийхэмрэ ныбжьыщIэхэмрэ еджэным къыщагъэсэбэпыну хьэпшып зэмылIэужьыгъуэхэр. ИужькIэ ахэр Iэрагъэхьэнущ Донецк, Луганск цIыхубэ республикэхэм, нэгъуэщI щIыналъэхэм щыпсэууэ школакIуэ цIыкIухэр зэрыс унагъуэ хуэмыщIахэм.
УФ-м и Президент Путин Владимир къэралым и щIыпIэхэм я пашэхэм пщэрылъ ящищIахэм тету, Къэбэрдей-Балъкъэр Республикэр гъащIэм и лъэныкъуэ куэдкIэ ядоIэпыкъу нэгъуэщI щIыналъэхэми. Зи гугъу тщIыр ди республикэм и нэIэм щIигъэувахэу Херсон областым хыхьэ Скадовской, Голопристанскэ районхэм исхэращ. КъБР-р а щIыналъэхэм щыпсэу цIыхухэм ядоIэпыкъу гъащIэм и лъэныкъуэ куэдкIэ. А щIыпIэхэм республикэм 2022 гъэ лъандэрэ ухуэныгъэ-зэгъэпэщыжыныгъэ лэжьыгъэхэр щрегъэкIуэкI. Гулъытэ хэха хуащI Iуэху куэд щызэфIах центрхэм я унэхэр, курыт школхэм я медицинэ IэнатIэхэр, псы зрикIуэ бжьамийхэм ящыщ Iыхьэр, амбулаторэр, нэгъуэщI социальнэ IуэхущIапIэхэр зэгъэпэщыжыным. Къыхэдгъэщынщи, а щIыналъэхэм къикIа сабийхэм мы гъэмахуэм къриубыдэу зыщагъэпсэхуащ ди республикэм и санаторэхэм, лагерхэм. Ди щIыналъэм зэрыщыIа зэманыр абыхэм нэгузыужьу, гукъинэжу ягъэкIуащ. Сабий хьэщIэхэм я нэгу зыщрагъэужьащ, зыщрагъэплъыхьащ ди къалащхьэм, республикэм и щIыпIэ дахэхэм.
Апхуэдэ Iуэху дахэхэм иджы къапыуващ дызытепсэлъыхьри. ГъащIэм щытыкIэ гугъум иригъэува унагъуэхэм ис школакIуэхэри гъэ еджэгъуэщIэм ирихьэлIэу зыхуей-зыхуэфIхэмкIэ къызэгъэпэщыныр, дауи, псапэшхуэ зыпылъ лэжьыгъэщ. Илъэс къэси хуэдэу, псапэ лэжьыным мы гъэми жыджэру хэтщ унагъуэ щхьэхуэри, къэрал IуэхущIапIэхэри, хьэрычэтыщIэхэри, жылагъуэ лэжьакIуэхэри.
|
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
|
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
|
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
|
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
|
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|