АДЫГЕЙ. Республикэм и Iэтащхьэ Къум­пIыл Мурат Адыгейм и Лъэпкъ музейм щаIущIащ дзэм къулыкъу щы­зыщIэхэм я анэхэмрэ я щхьэгъусэхэм-рэ. Кърагъэблэгъахэм иратащ «Адыгэ Республикэм и ЛIыхъужьхэм я щхьэ­гъу­сэхэр» сурэт альбомхэр. ЗэIущIэм щытеп­сэлъыхьащ дзэм къулыкъу щызы­щIэ­хэмрэ абыхэм я унагъуэхэмрэ защIэгъэкъуэным, жылагъуэ-хэкупсэ зэщIэ­хъе­еныгъэхэм зегъэужьыным ехьэлIа Iуэхухэм.

Шэрэдж щIыналъэр Къэбэрдей-Балъкъэрым щынэхъ ин дыдэщ, республикэм и ипщэ лъэныкъуэмкIэ абы и гъунап­къэ­хэр Куржыми Осетие Ищхъэрэ - Аланиеми пылъщ. Мыбы щыпсэум и Iыхьэ щанэр ­балъкъэрщ, адыгэхэм Iыхьэ щанитI яубыд.

СурэтыщI гъуазджэхэмкIэ музей, Ткаченкэ Андрей и цIэр зе­зыхьэм, шыщхьэуIум и 9-м щагъэ­лъэгъуащ гъуазджэмрэ щIэныгъэмкIэ Петровскэ академием хэта, «Эльбрусские новости» газетым и редактор нэхъыщхьэм и ­къуэдзэу щыта, псапащIэ, сурэт куэд зэхуэзыхьэса Хаджиев Даниял теухуа «Контражур» документальнэ фильмыр.

Зыгуэрым и шыдыр псы­къуийм ихуауэ кърихыжы­фыр­тэкъыми, егупсысащ:
- Си шыдыр армырами жьы хъуащ, куэд къипсэужынуи къы­щIэкIынкъым. ШыдыщIэ къэсщэхун хуейщ армырами. Мы псыкъуийри игъуэжащ, итхъуэжауэ, щIэ къэтIын хуейщ. Уегупсысмэ, иджыпсту си Iуэ­хуитIри зэуэ зэфIэзгъэкIыфынущ: псыкъуийр истхъуэжынщ, апхуэдэ щIыкIэкIэ абы ихуа шыдри щIэслъхьэжынщ…