|
Статьи на балкарском языке
17 апреля, 2022 - 06:35
Медицина кереклеге, дарманлагъа этилген къоранчланы бир кесегин артха къайтарыргъа онг барды. Налог вычетни къалай жарашдырыргъа кереклисин бу статьяда окъугъуз.
17 апреля, 2022 - 06:35
Бюгюннгю кюнню болумларында биз барыбыз да тарыхыбызны бютюн багъаларгъа, билирге итинебиз. «Кесини озгъан кезиулерин билмеген халкъны келлик кюню жокъду», – дегенди Михаил Ломоносов. Керти да жангы дуния озгъан жылланы сыныкъларында угъай, ариу сакъланнган тарыхындан къуралыргъа тийишлиди.
16 апреля, 2022 - 05:23
Бабугентде генерал-лейтенант Деппуланы Х.С. атлы 2-чи номерли кадет школа-интернатда кадетлеге алыуну байрамы бардырылгъанды. Сынам заманны тийишли ётдюрген 51 жашха ол кюн «кадет» деген ат берилгенин бизге мектепни устазы Аттоланы Халимат билдиргенди.
16 апреля, 2022 - 05:22
Къабарты-Малкъарда, Ставрополь крайда, Къарачай-Черкесде эм Шимал Осетияда федерал трассаланы битеуда 83 километрлик кесегин жолчула быйыл жангыртыргъа умут этедиле. Келир жыл а Пятигорск шахарны къатында жолда онсегиз километрлик участкасында мадар этилликди.
16 апреля, 2022 - 05:22
Россейни МЧС-ини регионда бёлюмю юч кюнню ичинде битеуроссей команда-штаб юйрениулени бардыргъанды. Къутхарыучула жаз башында суула кётюрюлгени бла байламлы чыкъгъан къыйын болумланы кетериуде, от тюшюуден эллени сакълауда сынамларын ёсдюргендиле.
15 апреля, 2022 - 06:35
Кёп болмай КъМР-ны эл мюлк министри Хасан Сижажев, терек бахчалыкъда уруннганла да къатышып, кенгеш бардыргъанды. Анда сёз республикада бёлюмню болумуну эм аны айнытыуну юсюнден баргъанды. Аны юсюнден бизге министерствону пресс-службасындан билдиргендиле.
15 апреля, 2022 - 06:35
КъМР-ни Башчысы Казбек Коков Россей Федерацияны Президентини Шимал-Кавказ федерал округда толу эркинликли келечисинде советни видеоселектор кенгешине къатышханды.
14 апреля, 2022 - 06:35
Сен эс жыйдыргъынчы, биз къууана билмеген халкъгъа ушап къалгъан эдик, бизге болгъан сюргюн терслиги къаныбызгъа кирип, анда-мында да журт къурап арып, ахлуларыбызны къабырлары кёп журтлагъа бёлюнюп. Ёмюрле бла санагъанда къысха болса да, бошала билмей эдиле киши жеринде ол онюч узун жыл.
14 апреля, 2022 - 06:34
«Лидер» араны къутхарыучулары Чирик кёлню теренлигин ёнчелегендиле, ала тохташдыргъанларыча, ол 292 метрди. Ары дери, 2016 жылда, Орус география обществону алимлери тинтиулерини кезиуюнде карст кёлню теренлиги 279 метрди деген эсеплеге келген эдиле.
14 апреля, 2022 - 06:33
Жууукъ заманда РФ-ни Къоруулау министерствосуну «Уллу Ата журт урушда жоюлгъанланы атлары эсде къалырча тийишли ишле бардырыуну» 2019−2024 жыллгъа жарашдырылгъан программасына кёре, Къабарты-Малкъарда алты эсгертмени алларында ёмюрлюк от жанып турурча мадар этилликди.
Страницы
|