Россейни МЧС-ини регионда бёлюмю юч кюнню ичинде битеуроссей команда-штаб юйрениулени бардыргъанды. Къутхарыучула жаз башында суула кётюрюлгени бла байламлы чыкъгъан къыйын болумланы кетериуде, от тюшюуден эллени сакълауда сынамларын ёсдюргендиле. Аэромобиль къауумланы ишлеулерине энчи къаралгъанды.

Биринчи кюн битеу бёлюмлени къыйын болумлагъа хазырлылыкълары тинтилгенди, къутхарыучула суу басхан жерледе авария ишлени бардыргъандыла. Управленияны башчысыны орунбасары Аналаны Мухаммат айтханыча, сынаула къыйын кезиуде ишлерча керекли ресурсла бла къалай жалчытылыннганларын, кюч жетеригин бла къаллыгъын кёргюзтгендиле. Къалгъан эки кюнде ала практикада къыйын болумланы хаталарын, ол санда табийгъат сылтаула бла от тюшгенни кетергендиле. Жарауланы чегинде министерствону регионда Баш управлениясыны кючлери бютюн уллу хазырлылыкъда турлукъдула, бу ишле керти къыйын болумда адамланы, мюлклени да сакълар муратда тамамланадыла. 

Кульчаланы Зульфия.