Урысей гвардием и управленэу КъБР-м щыIэм и лэжьакIуэ, полицэм и майор КIэфо Залым Налшык къалэ дэт школ №33-м щригъэкIуэкIащ лIыгъэм и дерс. Ар траухуащ хамэ къэралхэм щекIуэкIа дзэ зэ­пэщIэтыныгъэхэм зи къалэн зыгъэзащIэу щыхэкIуэда ди зауэлIхэм я Фэеплъ махуэм. 

КIэфом школакIуэхэм яжриIащ мы махуэр зэрагъэувар ди щIалэхэм къагъэлъэгъуа лIыгъэмрэ Хэкум зэ­рыхуэпэжымрэ я дамыгъэу, абыхэм я фэеплъыр зэрагъэлъапIэу зэрыщытыр. 
- Мы махуэм къэрал псом пщIэ щыхуащI ди хэкуэ­-гъухэу зи дзэ къулыкъур хамэ къэралым щезыхьэкIахэм. 1989 гъэм мазаем и 15-м советыдзэхэм я иужьрей гупхэр Хэкум къэкIуэжауэ щытащ, пхуэмыIуэтэн лIыгъэрэ ха­хуагъэрэ къыщагъэлъэгъуа Афганистаным къикIыжри.  А махуэр къалъытэ урысей цIыхухэм, псом япэу къыт­щIэхъуэ щIэблэм, хэкупсэ гъэсэныгъэ яхэзылъхьэу, - жиIащ офицерым.
ШколакIуэхэм псалъэмакъ гъэщIэгъуэным папщIэ рос­гвардейцым фIыщIэ хуащIащ икIи жаIащ дяпэкIи зэхуэ­зэну зэрыщыгугъыр. 
УАРДЭ  Женя.