Налшык я гуапэу щагъэлъагъуэ

15 августа, 2023 - 11:47

СурэтыщI гъуазджэхэмкIэ музей, Ткаченкэ Андрей и цIэр зе­зыхьэм, шыщхьэуIум и 9-м щагъэ­лъэгъуащ гъуазджэмрэ щIэныгъэмкIэ Петровскэ академием хэта, «Эльбрусские новости» газетым и редактор нэхъыщхьэм и ­къуэдзэу щыта, псапащIэ, сурэт куэд зэхуэзыхьэса Хаджиев Даниял теухуа «Контражур» документальнэ фильмыр.

КъыжыIапхъэщ, Санкт-Петербург 2021 гъэм щекIуэкIа «Влюблённые в искусство» дунейпсо кинофестивалым «Контражур» фильмыр лауреат зэрыщыхъуар. ­Режиссёрыр дзэ репортёр, теле­журналист, кинодокументалист Богатырёв Ильясщ.
Фильмым лъабжьэ хуэхъуащ Хаджиев Даниял зэхуихьэса лэжьыгъэхэр зыщIэлъ, Тырныауз щаухуа Урысейм и бгыщхьэ галерее нэхъ ин дыдэр. Абы Урысеймрэ Белоруссиемрэ я художникхэм я сурэт, графикэ лэжьыгъэ миным щIигъу щIэлъщ. Режиссёрым зэрыжиIэмкIэ, филь­мым хигъэхьащ гъуазджэр зылъытэ дэтхэнэ зыри дэ­зыхьэхыну лэжьыгъэ къыхэ­щыпыкIахэр.
Хаджиев Даниял 2021 гъэм и гъатхэм дунейм ехыжащ. Коллекционерым лэжьыгъэ мин бжыгъэхэр зэхуихьэсащ ди щIыналъэм и мызакъуэу, къэралым и художник цIэрыIуэхэм я Iэдакъэ къыщIэкIаи хэлъу. Хаджиевыр гъуазджэм дихьэхат Санкт-Петербург и Эрмита­жым электрикыу щыщылэжьа зэманым. А хьэпшыпхэр коллекцио­не­рыр щыпсэуа унэм щахъумэ. Ар зы­лъэгъуахэм жаIэ ахэр хэплъыхьа защIэу  зэрыщытыр.
А лэжьыгъэхэм щыщ мы зэманым щIэупщIэ иIэу щагъэлъагъуэ Налшык СурэтыщI гъуазджэхэмкIэ и музейм.
Арщыдан Гуащэ.

 

  • 12 просмотров

Поделиться:

ЧИТАТЬ ТАКЖЕ:

15.05.2024 - 09:32

Алий и пшыхь

Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист
15.05.2024 - 09:31

Аращ зыщIэзэуар ди нэхъыжьхэр

Бахъсэн щIыналъэм хиу­быдэ къуажэхэм фэеплъ пэ­кIухэр, зэIущIэхэр, зэ­хуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу.
15.05.2024 - 09:29

Къэхъундэсхэр Хэкум и къыщхьэщыжакIуэщ

1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ.
15.05.2024 - 09:27

Ветеранхэр ягъэгушхуэ

Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху
15.05.2024 - 09:25

Къаруушхуэ зыхэлъ уэрэдхэр

Хэку зауэшхуэр зымылъэгъуа щIэблэр абы теухуа уэрэдхэм, усэ­-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залы­мыгъэу зэрахьамрэ зыхэтщIэу.