|
Психоневрологием хуэунэтIа япэ медицинэ IуэхущIапIэ
10 февраля, 2022 - 06:30
Дэтхэнэ зы узыфэми и гъэхъужыныр нэхъыбэу зэлъытар ар тэтэму икIи и чэзум къэхутэнымрэ абы хэха бгъэдыхьэкIэ щхьэхуэ къыхуэгъуэтынымрэщ. Къэрал сымаджэщхэм къадэкIуэу иджырей зэманым зыужьыныгъэшхуэ игъуэтащ унэтIыныгъэ зэмылIэужьыгъуэхэм хуэгъэпса щхьэзакъуэ клиникэхэми. Апхуэдэщ Налшык щылажьэ «Центр патологии речи и нейрореабилитации» психоневрологие унэтIыныгъэм ехьэлIа узыфэхэм щеIэзэ медицинэ IуэхущIапIэр.
Адрейхэм къащхьэщыкIыу мы центрыр, япэрауэ, психоневрологием ехьэлIауэ лицензэ щхьэхуэ зиIэ ди щIыпIэм и япэ центрщ. Абы и Iуэхухэр зрегъакIуэ дохутыр Iэзэ, психиатр, медицинэ щIэныгъэхэм я кандидат Аттаевэ Лейлэ.
Дызэрыщыгъуазэщи, къэрал сымаджэщхэри щхьэзакъуэ медицинэ IуэхущIапIэхэри балигъ, сабий унэтIыныгъэкIэ зэщхьэщедз. Зи гугъу тщIы центрым ныбжьыщIэхэми балигъхэми кIэлъыплъыныгъэхэр щыдрагъэкIуэкI икIи зэщхьэщыхауэ я ныбжь елъытауэ къахута узыфэр ягъэхъужын папщIэ бгъэдыхьэкIэ щхьэхуэхэр къыхуагъуэт.
АдэкIэ, центрыр адрей IуэхущIапIэхэм зэрефIэкIхэм ящыщ икIи мыхьэнэшхуэ зиIэщ я лэжьэгъуэ зэманыр. «Центр патологии речи и нейрореабилитации» IэнатIэр махуэ къэс мэлажьэ икIи цIыхухэм я тыншыгъуэр къызэрагъэпэщын папщIэ пщэдджыжьым сыхьэти 8-м къыщыщIэдзауэ пщыхьэщхьэм сыхьэт 20-м нэблэгъэху зэпыу яIэкъым. Къэхутэныгъэхэр езыгъэкIуэкIынухэм е анализ щхьэхуэхэр зытыну къызыпэщылъу лэжьапIэ IэнатIэ Iутхэм папщIэ ар, шэч хэмылъу, тыншщ.
Зи гугъу тщIы медицинэ IуэхущIапIэм, адрейхэм ефIэкIыу, зи узыншагъэр зэтезыгъэувэжыну къекIуэлIам папщIэ къыщызэгъэпэщащ къэпщытэныгъэ зэмылIэужьыгъуэ куэд. Дохутырым япэ зыхуэзыгъэза сымаджэм, зэрыхабзэщи, анализ зэмылIэужьыгъуэхэр, кIэлъыплъыны-
гъэхэр, Iэпкълъэпкъым и пкъыгъуэхэм ехьэлIа къэхутэныгъэхэр иригъэкIуэкIыну чэнджэщ егъуэт. А псори Iэмалыншэщ зэреIэзэн щIыкIэр къахутэн папщIэ. Аращи, нэхъыбэм сымаджэр IуэхущIапIэ зэмылIэужьыгъуэхэм екIуэлIэн хуей мэхъу ищхьэкIэ къыщытхьа чэнджэщхэр игъэзэщIэн папщIэ. «Центр патологии речи и нейрореабилитации» IэнатIэм щIэмыкIыу а Iуэхутхьэбзэхэр дэтхэнэ зы сымаджэми щигъуэтыфынущ. Абы къыхэкIкIэ и зэманри и узыншагъэри нэхъ хъума мэхъу, IэщIагъэлIхэри зэрыщIэурэ йоIэзэ.
Балигъхэмрэ сабийхэмрэ папщIэ IуэхущIапIэм щагъэзащIэ Iуэхутхьэбзэхэм ящыщщ: психиатрие, неврологие, педиатрие, остеопатие, мануальная терапие, зыгъэхъуж физкультурэ, физиотерапие, нэгъуэщIхэри. Нэхъ зэпкърыхауэ Iуэхутхьэбзэхэм зыщыбгъэгъуазэ хъунущ центрым интернетым щиIэ напэкIуэцIыр къызэIупхыу: www.cprinnalchik.ru.
МЭЗКУУ Къан.
|
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
|
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
|
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
|
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
|
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|