|
|
ЯщIахэмрэ къапэщылъхэмрэ
10 февраля, 2022 - 06:30
Агрономхэмрэ агроинженерхэмрэ я урысейпсо зэIущIэм щытепсэлъыхьащ хадэхэкIымрэ хьэцэпэцэмрэ къат бэвагъым зэрыхагъэхъуэну щIыкIэм.
2021 гъэм зэфIагъэкIахэмрэ 2022 гъэм къапэщылъхэмрэ къыщапщытэжа зэхыхьэр къызэIуихащ икIи иригъэкIуэкIащ УФ-м мэкъумэш хозяйствэмкIэ и министрым и къуэдзэ Разин Андрей. Видеоконференцым хэтащ КъБР-м мэкъумэш хозяйствэмкIэ и министр Сыжажэ Хьэсэн.
ЗэIущIэм къызэрыщыхагъэщащи, нэгъабэ дунейм и щытыкIэр зэпIэзэрыту щымытами, Урысей Федерацэм и мэкъумэшыщIэхэм гъавэ бэв кърахьэлIэжащ. ДагъэхэкIхэр къызыщIаху къэкIыгъэхэу тонн мелуан 23,1-рэ, хуабэщхэм къыщагъэхъу хадэхэкIыу тонн мелуан 1,4-рэ, пхъэщхьэмыщхьэ, мэракIуэ лIэужьыгъуэу тонн мелуани 3,9-рэ зи хьэлъагъ кърахьэлIэжащ. ГъавэгъэкIхэм апхуэдэ ехъулIэныгъэ щIаIам и зы щхьэусыгъуэщ щIыгъэпшэркIи, техникэкIи я Iуэху зэрымыIеяр.
Къэралым и мэкъумэшыщIэхэм мы гъэм зыхуагъэувыжа къалэнхэм ящыщщ жылапхъэхэм къыхэгъэхъуэныр, фошыгъу жэгундэм, дагъэ къызыщIаху къэкIыгъэхэм, кIэртIофым, нэгъуэщI хадэхэкIхэми я бэвагъым щIегъэгъуныр.
УФ-р зэрыщыту къэтщтэнщи, къэралым и мэкъумэшыщIэхэм гъавэ щащIэ губгъуэ хьэсэхэм гектар 81,3-рэ къыхагъэхъуэну я мурадщ, хадэхэкIхэм, псом хуэмыдэжу, джэш лъэпкъыгъуэхэм елэжьынущ. Иужьрейуэ, зи цIэ къитIуа къэкIыгъэм мы гъэм, псори зэхэту, хухахынущ гектар мелуан 48-м нэблагъэ, Iусыпхъэхэм гектар мелуан 13,9-рэ, фошыгъу жэгундэм гектар мелуан 1,07-рэ, бжьыхьэ къэкIыгъэхэм гектар мелуан 19-м щIигъу ирагъэубыдынущ.
Тепсэлъыхьахэщ техникэщIэм, кредитым, лизингым ехьэлIауэ щыIэ лъэпощхьэпохэми. Къапщтэмэ, къыхагъэщащ мэкъумэшхэкI къыщIэзыгъэкIхэм къэралыр зэрадэIэпыкъуну щIыкIэми. КъищынэмыщIауэ, гъатхасэ лэжьыгъэхэр зэрекIуэкI щIыкIэр, зэфIагъэкIахэр наIуэ къэзыщI штабхэр щIыналъэхэм къыщызэгъэпэщын зэрыхуейри жаIащ.
НАФIЭДЗ Мухьэмэд.
 |
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
 |
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
 |
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
 |
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
 |
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|
