|
|
Бжыгъэр зи лъабжьэ Iэмалхэм трагъащIэ
13 сентября, 2021 - 06:45
Гъэ еджэгъуэщэм зэхъуэкIыныгъэщIэхэри Iуэху зехьэкIэщIэхэри къыдэкIуащ. Егъэджэныгъэм и фIагъыр къэIэтыным хуэгъэпса апхуэдэ бгъэдыхьэкIэщIэхэм зыщаубгъу ди щIыналъэми. Абы и щыхьэтщ «ДыгъафIэ къалэм» къыщызэIуаха IT-классхэр. Бжыгъэр зи лъабжьэ технологиехэм епха предметхэу математикэр, физикэр, информатикэр нэхъ куууэ щаджыну а гупхэм хэсынухэр къыхахащ 6 - 9-нэ классхэм щIэс ныбжьыщIэхэу а унэтIыныгъэм дихьэххэм.
Классхэр щаубзыхум гулъытэ хуащIащ ныбжьыщIэхэм еджэным щаIэ зэфIэкIхэм, зэпеуэ зэмылIэужьыгъуэхэм къыщагъэлъэгъуа щIэныгъэхэм, къэпщытэныгъэхэм къыщахьа оценкэхэм. Апхуэдэ къэпщытэныгъэ ткIийм кIуэцIрыкIащ сабий академием и еджакIуэ 16. Ахэр иджы щоджэ «ДыгъафIэ къалэм» къыщызэIуаха япэ IT-классым.
- Махуэ къэс зызыужь, зызыхъуэж егъэджэныгъэ IэнатIэр зыхуэныкъуэщ IT-классхэр. Абыхэм я къалэн нэхъыщхьэр зэфIэкI лъагэ зыбгъэдэлъ школакIуэхэр гупу къыхэгъэбелджылыкIауэ бжыгъэр зи лъабжьэ технологие пэрытхэм щхьэхуэу икIи нэхъ куууэ хуегъэджэнырщ, - жиIащ IуэхугъуэщIэм щхьэкIэ КъБР-м цIыхухэр егъэджэнымкIэ, щIэныгъэмкIэ, щIалэгъуалэм я IуэхухэмкIэ и министр Езауэ Анзор. - Апхуэдэ классхэм папщIэ программэ щхьэхуэ зэхэдгъэуващ, математикэм, физикэм, информатикэм хухах сыхьэт бжыгъэхэр щынэхъыбэу.
Фигу къэдгъэкIыжынщи, IT-классхэр къызэIухыным хуэщIа проектым къыщыгъэлъэгъуа Iуэхугъуэхэр зэгъусэу зэфIахынущ еджапIэ нэхъыщхьэхэм, IТ IэнатIэхэм, «Кванториум» сабий технопаркым, Сабий зэчиифIэхэм щадэлажьэ щIыналъэ центрым я IэщIагъэлIхэм. А классхэм щеджэ ныбжьыщIэхэр я къару еплъыжыну Iэмал яIэщ технологиещIэхэр, техникэщIэхэр къэгъэIурыщIэнымкIэ. Къэхутэныгъэ щIыкIэм зэкIэ тет а Iуэху бгъэдыхьэкIэщIэм адэкIи зыщрагъэубгъунущ сабий академием, къызэIуахагъащIэ классыщIэм щIэсхэр къапэщылъ къалэнхэм зэрапэлъэщым кIэлъыплъа нэужь.
ЖЫЛАСЭ Маритэ.
 |
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
 |
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
 |
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
 |
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
 |
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|
