Бу кюнледе «Якутия» авиакомпания Нальчикден Москвагъа жангы рейс ачады. Ол Внуково халкъла аралы аэропортха Boeing-737/700 самолетла бла ыйыкъгъа тёрт кере къураллыкъды. Келишимге кёре ол келир жылны ахырына дери ишлерикди.
Внуково аэропортну пресс-службасындан билдиргенлерича, рейслени кезиуюнде коронавирусдан сакъланырча Роспотребнадзор белгилеген излемлеге кёре къаты контроль бардырыллыкъды.
Залда сакълагъан пассажирле медицина къапла бла къол къапла киерге тийишли боллукъдула. Андан сора да, арада дистанция сакъланырча полда ызла тартылгъандыла эм профилактиканы юсюнден билдирген стендле да тагъылгъандыла.