Невинномысск шахарны «Олимп» спорт арасында каратени киокусинкай тюрлюсюнден «Кавказны къабакълары» деген ат бла Ставрополь крайны биринчилиги бла чемпионаты бардырылгъандыла. Анга башха-башха жыл санлада 266 спортчу къатышханды.     

Къабарты-Малкъардан анда Спортну олимпиадагъа кирмеген тюрлюлеринден спорт школну къаууму бла Россейни кёкусин-кан карате-до федерациясыны регионда бёлюмюню келечилери, битеу да 35 адам сермешгендиле.

Эсеплеге кёре, алчы жерлеге Жаникаланы Арсен, Даниил Макаров, Ашшур Биткаш, Къудайланы Инал, Арсен Казанчев, Хачийланы Марат бла Арам, Беслан Карданов, дагъыда кёп спортчубуз чыкъгъандыла. Федерацияны бёлюмюню къаууму уа битеукоманда эсепде ючюнчю жерни да алгъанды.

Кульчаланы Зульфия.