Кавказ Ищхъэрэм щылажьэ СОБР-м и къудамэмрэ Урысей ­гвардием и Управленэу КъБР-м щыIэмрэ я лэжьакIуэхэм дзэм хэ­тахэр, хабзэхъумэ IэнатIэ зезыхьахэр, унафэщI къулыкъу бгъэдэтахэр, цIыхубэ зэгухьэныгъэхэм я лIыкIуэхэр я гъусэу, Зи цIэр ямыщIэ сэлэтым и махуэр щагъэлъапIэ зэ­хуэсым хэтащ.
Урысей гвардием къулыкъу щы­зыщIэхэр Налшык зи цIэр ямыщIэ сэлэтым и щIыхькIэ дэт фэеплъым деж щызэхэтащ, Хэку зауэшхуэм хэ­кIуэдахэр ягу къагъэкIыжу. Щыму зы дакъикъэкIэ щыта нэужь, абыхэм удз гъэгъахэр тралъхьащ «Мыу­жьы­хы­жын мафIэ» мемориалым.
«Зи цIэр ямыщIэ цIыхуу мелуани­тхум щIигъу къинащ а зауэ шына­гъуэм и губгъуэм. Зы махуэ къэмы­-нэу къэралым щокIуэкI ахэр къа­гъуэтыжу, я цIэхэр къащIэу, зыхуей хуэзауэ зэрыщIалъхьэжыным хуэгъэпса лэжьыгъэхэр. Нобэ я цIэхэр дымыщIэу щытми, абыхэм зэрахьа лIыгъэр мыкIуэдыжынщ», - жиIащ зи цIэр ямыщIэ сэлэтым теухуа зэхуэ­сым къыщыпсэлъа, Кавказ Ищхъэ­рэм щыIэ СОБР-м и къудамэм и лэжьакIуэ, полицэм и майор Ш. Аслъэн.