|
ПроектыщIэм гъуэгу егъуэт
13 октября, 2020 - 06:56
ЕджакIуэхэм IэщIагъэ къыхахынымкIэ дэIэпыкъуэгъу яхуэхъуным ехьэлIа «Шаг в будущее» урысейпсо проектым хыхьэ Iуэхугъуэхэр Къэбэрдей-Балъкъэрым жыджэру щокIуэкI. Мы махуэхэм электрон хэщIапIэр (http://bilet-help.worldskills.ru/) къагъэсэбэпурэ проектым хэтыну гукъыдэж зиIэхэр зэхуашэс. Апхуэдэу ди республикэм щыщу еджакIуэ 5186-рэ къыхыхьащ Iуэху щхьэпэм, абыхэм ящыщу 174-м зэман кIэщIым къриубыдэу лэжьыгъэм жыджэру зыкъыщагъэлъэгъуащ.
Проектым хыхьэ Iуэхугъуэхэр ирагъэкIуэкI онлайн е зэIущIэ щIыкIэу. А лэжьыгъэр къыщызэрагъэпэщащ Налшыкрэ Прохладнэ къалэмрэ дэт колледжибгъум, «ДыгъафIэ къалэ» еджапIэм. 6 - 11-нэ классхэм щIэс еджакIуэхэр тест щIыкIэкIэ Iуэхум хаша нэужь, ягу ирихьа IэщIагъэм теухуауэ зэхаубла гъэлъэгъуэныгъэхэм щыгъуазэ ящI. Апхуэдэу, еджакIуэ цIыкIухэм Iэмал ягъуэт IэщIагъэлIхэм я гъусэу Iуэхум нэхъри гъунэгъу зыхуащIыну. Псалъэм папщIэ, 3D-принтеркIэ макет гуэрхэр ящI, гъущIым станоккIэ сурэт къыхауIукI, IэфIыкIэ щIэщыгъуэхэр япщэфI, парикмахер IэщIагъэм щыхуагъасэ. ШколакIуэхэм дзыхь хуащI Iуэхугъуэхэр егуэш тыншагъ-гугъуагъ, зэман трагъэкIуадэ елъытакIэ. Адэ-анэхэм хъыбар ирагъащIэ я бынхэм къыхаха Iуэхум теухуауэ икIи адэкIэ лэжьыгъэм зэрыхэтыну щIыкIэм щыгъуазэ ящI. ЦIыху къэскIэ тращIыкI зэрырагъаджэ планыр проектыр зэриух Iуэхугъуэщ. Онлайн къэпщытэныгъэм кърикIуахэр дэтхэнэми и интернет кабинетым къралъхьэж, апхуэдэ щIыкIэкIэ хъыбар кърагъащIэ IэщIагъэм хэзышэ Iуэхугъуэхэр зэрагъэзэщIэфам теухуауэ. Проектым къыщыгъэлъэгъуащ IэщIагъэ 26-рэ икIи гъэзэщIа мэхъу къэрал субсидиекIэ. Абы къыхэкIыу Iуэхум ныбжьыщIэхэр пщIэншэу къыхохьэ.
ИщхьэкIэ къэдгъэлъэгъуа сайтым хыхьэрэ тестхэр игъэзэщIа нэужь, школакIуэм чэнджэщ щхьэпэхэр щигъуэтынущ абы.
«Шаг в будущее» проектым жыджэру хэтыну къыхудоджэ ди еджакIуэ цIыкIухэр: http://bilet-help.worldskills.ru/
|
12.05.2024 - 09:03 КъБР-м и Сабий, щIалэгъуалэ творчествэ унэм иджыблагъэ щекIуэкIащ урысейпсо зэIущIэ. |
|
11.05.2024 - 12:25 Зэ еплъыгъуэкIэ къыпщыхъунщ литературэр математикэм, социологием, физикэм, экономикэм, биологием, нэгъуэщI щIэныгъэхэми зыкIи емыпхауэ. |
|
11.05.2024 - 09:03 Къэбэрдей-Балъкъэрым щыщ Прохладнэ щIыналъэм и Приближнэ къуажэм зи узыншагъэкIэ сэкъат зиIэ сабийхэр щрагъаджэу дэт школ-интернат №2-м и гъэсэн цIыкIухэр къыщыхэжаныкIащ Сочи къалэм и «Сириус» фед |
|
11.05.2024 - 09:03 ТекIуэныгъэм и махуэ къэблэгъам пежьэри, Кэнжэ къуажэм иджыблагъэ дзюдомкIэ зэхьэзэхуэ щрагъэкIуэкIащ. Абы щызэпеуащ 2011 гъэм къалъхуа ныбжьыщIэхэр - псори зэхэту 113-рэ. |
|
10.05.2024 - 12:25 ЦIыхум и лъэр нихьэсащ хы лъабжьэми, къуршу щыIэм я нэхъ лъагэми, хьэршми. Ари хъунт и Iэужь къыщимынэу, щIыуэпсым хэмыIэбэу, пщIэ хуищIу щытатэмэ. |
|