«Бюгюн Москвада, Кремльни Андреевский залында, РФ-ни Президенти Владимир Путин ышаннгылы адамлары бла тюбешгенди. Ол тизмеге 544 адам киреди-политика эм жамауат къуллукъчула, маданиятда, исскуствода, илмуда ишлегенле эм спортчула.

Тюбешиуге, сёзсюз Россейни Президентини Къабарты-Малкъар Республикада ышаннгылы адамлары да къатышхандыла: Хаути Сохроков, Байсыланы Темиржан, Черим Нахушев эм Карина Орехова.

 Къырал башчыбыз белгилегеннге кёре, иш мындан ары да биригип бардырыллыкъды: «.. бек ышанама, биз мындан ары да айныуну жолу бла барлыгъыбызгъа эм жангы Россейни къурау бла хар затха да эс бурлугъубузгъа: экономикагъа, къыралны къоркъуусузлугъун жалчытыугъа, искусствогъа, ич политикагъа, къыралыбызны къурулушларын барыдырыугъа эмда къырал институтланы къураугъа,- башхача айтханда, битеу бёлюмледе ишни биригип бардырыргъа керекбиз, Россей андан ары да деменгили болурча, битеу ишлерин къыйматлы эмда адамлагъа таплыкъгъа деп тамамларча этерикбиз дегенди къырал башчыбыз», -деп билдиргенди   КъМР-ни Башчысы Казбек Коков кесини телеграм каналында.