Огъары Малкъарда «Къоркъуусуз эм тынгылы автомобиль жолла»  миллет проектге кёре, Черек  сууну юсю бла   Мухол  микрорайоннга баргъан жангы, бёкем  кёпюр ишлене турады. Аны кюн сайын юч жюз арбаз неда мингнге жууукъ адам хайырланадыла.  Эски кёпюр 1989 жылда ишленнгенди эм  эрттеден бери тозурагъанды. Аны жангысыны узунлугъу   30 метрге жетерикди эм юсюнде бир жолгъа  эки машина бараллыкъдыла.

Бюгюнлюкде  подряд организацияны келечилери кёпюрню  къулакъларын ишлеп бошагъандыла эм суу таламазча да  хунала  жарашдырылгъандыла. Жууукъ заманда аны   аркъауларын салып, бетон къуюп башларыкъдыла. Ызы бла асфальт жайыллыкъды эм тёгерек-баш да  айбатландырыллыкъды. 
 Объектни быйыл жайгъа дери бошар мурат этиледи.   

Курданланы Сулейман хазырлагъанды.