Къабарты-Малкъар  Республиканы Башчысы К.В.Коковну  республиканы  жамауатына чакъырыу сёзю

Къабарты-Малкъарны хурметли жамауаты!
Багъалы жерлешлерим!
8 март Къабарты-Малкъар Республиканы орузламасында бек бушуулу кюнледен бирине саналады.  Ол кюн мындан 80 жыл алгъа малкъар халкъ зор бла туугъан жеринден кёчюрюлгенди эмда уллу  азаплыкъ сынагъанды. Ол законсузлукъну  эмда уллу зорлукъну сынагъанланы алларында биз баш урабыз, киши жерине тюшюп, ачлыкъны, жаланнгачлыкъны, учузлукъну да кётюрген, адамларын тас этген хар юйюр бла бирге бушуу этебиз.

Бизни барыбызгъа да бир болгъан тарыхыбызны ол ачы кезиуюн эсге тюшюре, биз  малкъар халкъны ауур акъыллылыгъына, чыдамлыгъына, ниет чыныгъыулугъуна сейир да, ыспас да этебиз. Киши жеринде ол кёрген къыйынлыкъла аны  бюгалмагъандыла, аны къой, ол кесини миллетлигин, ана тилин, адет-тёрелерин, ниет байлыгъын да сакълаялгъанды. Ата журтуна къайтып, жигер уруннганы, жетишимле болдургъаны бла да атын айтдыргъанды.

Бюгюнлюкде малкъар халкъ келир заманнга эркин атлайды, республикабызны эмда Россейни халкъларыны къарындаш юйюрюнде мамырлыкъны бла къуралыулукъну жолу бла алгъа таукел барады. Биз бир ниетлилигибизни, къарындаш халларыбызны бирге кючлендире барсакъ, туугъан Къабарты-Малкъарны бла Ата журтубузну айнытыу жаны бла салыннган борчланы толтурмай къоймазлыгъыбызгъа ийнанама.