МТС Travel сервисни GeoEffect эм геоаналитика платформаны болушлукълары бла Россейни эм уллу тау лыжа курортларында къаллай бир адам солугъаны тергелгенди. Алай бла Къабарты-Малкъарны «Эльбрусу» 2022-2023 жыллада 5 эм сыйлы курортланы санына киргенди.
«Ол тизмеге дагъыда Сочини «Красная поляна», «Роза Хутор», «Газпром», Къарачай-Черкесни «Архыз» эм Башкъортостанны  «Абзоково» курортлары киргендиле. Сочиде  туристлени  80 проценти солугъандыла, къалгъан 20-сы уа башха жерлени сайлагъандыла. 
Минги тауну тийресине терк-терк келген туристле асламында Москвадан болгъандыла (хар ючюнчю). Ставрополь бла Краснодар крайладан, Шимал Осетия-Аланиядан, Дагъыстандан эм Дондагъы Ростовдан да кёпдюле. Ала бир 3-4 кюннге келедиле. Республиканы  эм кёп турист Жангы жылгъы солуу кюнлеринде бла февральда жокълагъанды.
– Къыш кезиуде лыжала бла сноубордлада учаргъа сюйгенле Элбрусну  сайлайдыла. Ала, мында жашагъанла да жолоучулукълагъа чурумсуз чыгъалырча интернет барды, жангы станцияла ишленедиле, – дегенди МТС-ни регион бёлюмюню директору Залийханланы Элдар.

Холамханланы Алима.