МВД-ны Къабарты-Малкъарда экстремизмге къажау бёлюмюнде къуллукъ этгенле-излеу ишлени кезиуюнде ФСБ-ны КъМР-да  управлениясыны келечилери бла бирге алгъын  да эркинлиги сыйырылгъан 37-жыллыкъ эр кишини юйюнде сауутла бла окъла тапхандыла. Битеу да эки «Макаров» керох, 23 окъ,  граната эм сауутланы тазаларча абериле сыйырылгъандыла.

Тутулгъан адам  ангылатханнга кёре,  сыйырылгъан затланы анга бир талай жыл мындан алгъа ёлген нёгери къойгъан эди.

МВД-ны Нальчикде управлениясыны следствие бёлюмю РФ-ни  УК-ыны 222-чи статьясыны 1-чи кесегине эм 222.1-чи статьяны 1-чи кесегине  тийишлиликде (сауутланы законсуз жюрютген, букъдургъан, сатыу-алыу бла кюрешген) уголовный  иш ачханды, - деп билдиредиле КъМР-да МВД-ны  пресс-службасындан.

Холамханланы Алима.