Республикабыздан кёп жашыбыз энчи аскер операциягъа къатышып, къуллукъ борчларын бет жарыкълы толтурадыла, батырлыкъларын, ётгюрлюклерин да кёргюзтюп, атларын иги бла айтдырадыла. Анга уа  кёплери Россей Федерацияны Президентини Указы бла сыйлы орденле эмда майдалла бла саугъаланнганлары шагъатлыкъ этеди. 

Текуланы Сейпуну жашы Ислам ма аллай жигит жашларыбыздан бириди. Россей Федерацияны Президенти Владимир Путинни 2023 жылны 20 февралында чыгъарылгъан Указы бла ол Кишиликни ордени бла саугъаланнганды. Аллай сыйгъа таулу жаш душманны топ-окъ атып тургъан жерлерин гунч этгени, бир ненча боевикни да жесирге алгъаны ючюн тийишли болгъанды. Атышыуладан биринде ётгюр жаш ауур жарала да алгъанды.
Текуланы Ислам Май районну Ново-Ивановское элинденди. Аны бла, Ата журтубузну жалынчакъсызлыгъы ючюн къазауатха кирген, антларына кертичилей къалгъан башха жигит жашларыбыз бла да ёхтемленебиз, хорлам бла юйлерине сау-саламат къайтырларын тежейбиз.