КъМР-де ич ишле министр полицияны генерал-лейтенанты  Василий Павлов Херсон областьдан къачып, бюгюнлюкде республикада жашагъан инсанла бла тюбешгенди. Анда сёз аланы социал жумушларын тамамлауну, миграция жаны бла болушлукъну юслеринден баргъанды. 
Ведомствону башчысы соруулагъа жууапла бергенди. Ала россейли инсанлыкъны алыуну, болжаллы халда эсепге турууну, иш бла жалчытыуну эмда социал себепликни юслеринден билирге сюйгендиле. Херсончула право низамны сакълаучулагъа борчларын бийик даражада толтургъанлары ючюн ыразылыкъларын да билдиргендиле. 
Министр профильли бёлюмню оноучуларына миграция бла байламлы сорууланы тамамлауда себеплик этерге буйрукъла бергенди. 

Тикаланы Фатима
 хазырлагъанды.