Россейни МЧС-ни Къабарты-Малкъарда Баш управлениясы регионда жашагъанланы электропечьлени эм башха жылытыучу приборланы хайырланнганда къоркъуусузлукъну унутмазгъа чакъырады.

Электропечьлени салгъанда быллай жорукъланы эсге алыргъа керекди:

- аланы жангыз да заводлада ишленнгенлерин алыгъыз;

- электроприборну къараусуз бир заманда да къоймагъыз, сабийлени аланы жандырыргъа – ёчюлтюрге эркин этмегиз;

- электропечьлени терк къабыннган затланы къатларында салмагъыз (мебель, терезе жабыула эм аллай башха);

- приборланы букъудан тазалай туругъуз, алада суу быстырланы къургъакъсытмагъыз;

- приборну вилкасы неда розетка исси болмасынла, ол печьни бузукълугъу болгъаныны неда сетьге асыры уллу ауурлукъ баргъаныны биринчи белгисиди;

- бир розеткагъа экиден кёп электроприбор салмагъыз. Ол электропроводканы аварийный халда ишлетирикди, ток баргъан ызланы къыздырлыкъды, андан а от тюшерге да узакъ тюйюлдю;

- юйден талай минутха окъуна чыгъа эсегиз да, электроприборланы барысын да розеткадан чыгъара туругъуз.

Эсигизде болсун: кёп электроэнергия къоратхан приборланы хайырланырдан алгъа эски проводканы алышыргъа тийишлиди. Бузукълукълары болгъан, адамла кеслери аллына жарашдыргъан эм къалгъан электроприборла от тюшюуню сылтаулары аслам боладыла. Сора, сабийлени электропечьле эм башха приборла ишлеген жерледе кеслерин къоймагъыз.

Кульчаланы Зульфия.