Томатланы жарашдырып кюрешедиле

Къабарты-Малкъарны консерва  заводлары  бусагъатда  асламысында  томатланы жарашдырып кюрешедиле.  Алай бла бюгюнлюкде  таматланы предприятияладан бири 200 тоннадан асламыдан бир миллон чакълы банка хазырлагъанды. 

Белгилисича, республикада томатланы  жарашдырыу бла бир къауум консерва завод кюрешеди. Аланы сырьёларыны асламысын  кеслерини жерлеринде ёсдюредиле. Ол себепден продукцияны качествосуна жарсыр кереклиси  болмайдыла. Аланы продукциялары энчи бренд бла башха россей маркала бла да чыгъарыладыла. 

Бахсан районну администрациясыны Эл мюлк, аш-азыкъ эм жер байламлыкъла жаны бла управлениясындан билдиргенлерича,  мюлкледе томатны жыйып кюрешедиле. Хар замандача, биринчи тирлик алгъанла  баксанёнокчула болгъандыла. Мында тамычы халда сугъарыу эм семиртгичлени заманында кереклиси тенги бир тапдырыу  бай тирлик бердирмей къоймайды.  Аны бла бирге таматла   агрономияда белгиленнген болжалдан алгъа жетедиле, качестволу эм татымлы да  боладыла. 

 Арендатор Мухамед Ширитов быйыл томатланы 85 гектарда салгъанды. Кюн сайын аны бахчасында 120 адам къармашады. Ол айтханнга кёре,  бир гектардан 90 тонна тирлик чыгъады. Аны республиканы кесинде сатарча мадар этиледи, алай бюгюнлюкде  ол азды. Продукция зыраф болмаз иги файда да  чыгъар ючюн  тыш регионлагъа ашырыргъа тюшеди, ол санда Дагъыстаннга. Саулай алып атханда, предприниматель 7500 тонна чакълы томат алыр муратлыды.

 

Поделиться:

ЧИТАТЬ ТАКЖЕ:

22.04.2025 - 14:43

Ишни эбин билген жууаплы инсан

«Заман» газетни жууаплы секретары Токълуланы Борис бла КъМР-ни Басма эм информация министерствосунда ишлегенимде танышхан эдим.

22.04.2025 - 09:54

Эсепле чыгъарылгъандыла эмда борчла салыннгандыла

КъМР-ни Башчысы Казбек Коков республиканы Саулукъ сакълау министерствосуну коллегиясыны жыйылыууна къатышханды, анда озгъан беш жылгъа алгъадан чыгъарылгъан эсеплеге эмда келлик заманда борчлагъа к

22.04.2025 - 09:40

Ал жанында – къоркъуусузлукъну жалчытыу

КъМР-ни Башчысы Казбек Коков Террорчулукъгъа къажау комиссияны бла  Оператив штабны бирге бардырылгъан жыйылыуун ётдюргенди.

22.04.2025 - 09:05

Жаулукъ къысыуну магъанасы

Къалай-алай десек да, халкъыбызны юс эм аякъ кийимлери тюзледе жюрюген хоншуланыкъыладан башхаракъ болгъанды.

22.04.2025 - 09:05

Дорбунланы жашырынлыкъларын ачыкълай

Республикабызны дорбунлары спелеологланы сейирлерин дайым къозгъагъанлай турадыла.