Казбек Коков Шимал-Кавказ федерал округну регионларыны  башчылары   эм Къырал Думаны депутатлары бла Юг Осетияда болгъанды, анда башламлчыкъ къауум  Россей Федерацияны санына кирирге референдум бардырыргъа деп къуралгъан жыйылыугъа къатышханды.  Республиканы оноучусу ол башламчылыкъгъа ыразылыгъын билдиргенди.  

«Бюгюнгю тюбешиу, республиканы Конституциясыны кюнюнде бардырылгъанын белгилерчады, ол магъаналы документ 21 жыл мындан алгъа аллыннганды. Башламчылыкъ къауум бардырыллыкъ референдумну юсюнден сорууланы сюзгендиле. Адамланы жашауларында магъаналы жумушну  къайсы кюн ётдюрюрге кереклиси  право жаны бла соруулагъа къаралгъандан сора белгили боллукъду.

«Башламчылыкъ къауум  референдумну юсюнден къурау жаны бла соруулагъа къарагъандыла.  Ол къачан боллугъун право жаны бла тийишили къагъытла жарашдырылсала белгили этилликди. Дагъыда мында эки кюнден президентни сайлау бла байламлы  айырыула ётерикдиле. Ол къалай бардырылгъанына, ол санда Россейден келген жамауат къуллукъчула да къарарыкъдыла», - деп жазгъанды Казбек Коков кесини телеграм- каналында

Политика жаны бла магъаналы жумушла бардырыллыкълары бла байламлы Къабарты-Малкъарны Башчысы «къарындаш Юг Осетияны халкъына монглукъ эм айныуну жолу бла алгъа барыргъа тежейме», -дегенди.

Бизни корр.