Заур Хапов Москваны «Локомотив» футбол клубуну баш тренери болгъанды. Аны юсюнден Россейни темир жолчуларыны клубларыны официальный сайты билдиреди.  
 
 2016 жылдан бери З. Хапов «Локомотивни» вратарьларыны юйретиучюлери болуп тургъанды эм футбол клубха жаш тёлюню келиуюне уллу себеплик этгенди. Клубну алгъыннгы баш тренери, немисли специалист Марвин Комппер ара шахарда къалады, команданы оюнлагъа хазырларыкъды.  

«Манга аллай жууаплы жумушну буюргъанлары ючюн, клубну оноучуларына ыразылыгъымы билдиреме. «Локомотивде» ойнагъан футболчуланы барысын да иги таныйма, ала бла ишлерге хазырма. Дагъыда алгъын баш тренер болуп тургъан Марвин Комппер бла да иги келишебиз, бирлешип, команданы оюнлагъа къурарыкъбыз. Бек башы – къараучулагъа ариу эм качестволу оюнла кёргюзтюудю. Кёрюмдюле уа клубну оноучуларын ыразы этерге керекдиле», - дегенди З. Хапов.