КЪЫРАЛ СОВЕТНИ ЭКОНОМИКА СОРУУЛА ЖАНЫ БЛА ИШЧИ КЪАУУМУНУ ЖЫЙЫЛЫУУНДА ШЁНДЮГЮ СОЦИАЛ-ЭКОНОМИКА БОЛУМ СЮЗЮЛГЕНДИКъабарты-Малкъар Республиканы Башчысы Казбек Коков Москвада Россей Федерацияны Къырал Советини экономика соруула эм жангы коронавирус жукъгъан аурууну жайылыууна къажаулукъ жаны бла ишчи къауумуну селектор кенгешине къатышханды. Жыйылыу ишчи къауумну таматасы Сергей Семенович Собянинни эм РФ-ни Правительствосуну биринчи вице-премьери Андрей Рэмович Белоусовну таматалыкъларында бардырылгъанды. Кенгешни эсеплерини юсюнден Казбек Коков кесини Telegram-каналында хапарлагъанды. «Къыралгъа санкцияла басынчакълыкъ этилген болумлада къуралгъан социал-экономика халла сюзюлгендиле. Сёз гражданлагъа, экономикагъа эм бизнесге себеплик этиу амалланы юсюнден баргъанды. Предложениялагъа, ол санда регионладан келгенлеге, къараллыкъды эм ала бизни гражданлагъа эмда организациялагъа къуралгъан экономика агрессиягъа къажаулукъ жаны бла Россейни Правительствосуну биринчи тамамланырыкъ ишлерини планына кийирилликдиле. Миллет проектлени чеклеринде кёп санлы социал магъаналы проектле бардырылгъан къурулуш бёлюмню юсюнден хапарны РФ-ни Правительствосуну Председателини орунбасары Марат Шакирзянович Хуснуллин билдиргенди. Шахарланы ишлеуге себепликге онгла къуралгъандыла, битеу объектле толусунлай эм заманында тындырылыргъа тийишлидиле.
Поделиться: ЧИТАТЬ ТАКЖЕ:
|