Былтыр Къабарты-Малкъарны консерва заводлары 134 миллион  чакълы консерва чыгъаргъандыла. Ол буруннгу жылдан эсе  эки процентге кёпдю. Аны юсюнден КъМР-ни Эл мюлк министерствосуну пресс-службасындан билдиргендиле.  

Сагъынылгъан кезиуде чыгъарылгъан продукциядан 43 проценти томатладыла. Томат пастаны 80 миллиондан аслам банкасы кетчуп бла  соусла этилирге республикадан тышына ашырылады.  Къалгъаны уа мияла орунлада  сатылады. Республиканы томат продукцияны  рынокда кенг  белгилиди.

Саулай алып айтханда, былтыр тахта кёгетледен бла жемишледен 310 миллион банка чыгъарылгъанды. Консервала хазырлау жаны бла республика Шимал- Кавказ федерал округда  биринчи жерни алады.

Бизни корр.