|
ЩIыналъэхэр зэпещIэ
26 октября, 2020 - 06:39
ЕгъэджэныгъэмкIэ, щэнхабзэмкIэ, Iуэху зэдэщIэнымкIэ урысей зэгухьэныгъэм (Истамбыл къалэм) щекIуэкIащ «Урысейм хыхьэ Кавказыр зыдогъэцIыху» ещанэ дунейпсо щIалэгъуалэ зэхыхьэм и презентацэр. 2020 гъэм «Урысейм хыхьэ Кавказыр зыдогъэцIыху» проектым текIуэныгъэ къыщихьащ ЩIалэгъуалэм я IуэхухэмкIэ федеральнэ агентствэм къызэригъэпэщ урысейпсо зэхьэзэхуэм.
Проектыр къызэрагъэпэщащ Къэрал Думэм СНГ-м и Iуэхухэмрэ ди лъэпкъэгъухэм я зэпыщIэныгъэхэмкIэ и эксперт-чэнджэщакIуэ советым хэт Къаскъул Аслъэнрэ МГИМО-м политикэ теориемкIэ и кафедрэм и доцент Ваславская Янэрэ я жэрдэмкIэ. Ар ирагъэкIуэкI УФ-м и Федеральнэ Зэхуэсым и Къэрал Думэм и депутат Быф Анатолий и дэIэпыкъуныгъэкIэ.
УФ-м нэгъуэщI къэрал IуэхухэмкIэ и министр Лавров Сергей Быф Анатолий къыхуитха тхыгъэм итщ: «Мыпхуэдэ Iуэхугъуэхэр зэрыщхьэпэм сэри щыхьэт сытехъуэфынущ, псом хуэмыдэу Кавказ лъэпкъхэм щыщ куэд Тыркум зэрыщыхэхэсыр къэплъытэмэ. АдэкIи дыхьэзырщ апхуэдэ жэрдэмхэр вдэтIыгъыну».
Быфым къыхигъэщащ: «Проектым къэрал зэмылIэужьыгъуэхэм щеджэ студент куэдым Iэмал ярет Кавказ Ищхъэрэм къэкIуэну, ди щIыналъэ хъугъуэфIыгъуэхэм зыщагъэгъуэзэну, ди лъэпкъ щэнхабзэхэр зрагъэцIыхуну, апхуэдэуи еджапIэ нэхъыщхьэхэр я зэфIэкIхэмкIэ зэдэгуэшэну. ЩIалэгъуалэм езым я нэкIэ ялъэгъуа нэужь, Кавказыр нобэ зыхуэдэ хъуам теухуауэ я Iуэху еплъыкIэ яIэж мэхъу».
Видеоконференц мардэм тету екIуэкIа форумым хэтащ КъБКъУ-м и Социально-гуманитар институтымрэ Кавказ Ищхъэрэ федеральнэ университетымрэ щIэсхэр. Iуэхум хэтахэр тепсэлъыхьащ Урысеймрэ Тыркумрэ зэрызэдэлажьэм ипкъ иткIэ къыхалъхьэ дунейпсо щIалэгъуалэ проектхэр къызэрызэрагъэпэщыпхъэмрэ зэрырагъэкIуэкIымрэ теухуа щхьэхуэныгъэхэм. Псори зэдэарэзы хъуащ Тырку Республикэм и еджапIэ нэхъыщхьэхэм я студенти 10 «Урысейм хыхьэ Кавказыр зыдогъэцIыху» ещанэ щIалэгъуалэ форумым хэтыну къызэрагъэлъэгъуам теухуауэ. Ар Налшык къалэм дыгъэгъазэм и пэм щекIуэкIынущ. Форумым и презентацэхэр зэман гъунэгъум щрагъэкIуэкIыну я мурадщ Сеул, Токио къалэхэми.
|
10.05.2024 - 12:25 ЦIыхум и лъэр нихьэсащ хы лъабжьэми, къуршу щыIэм я нэхъ лъагэми, хьэршми. Ари хъунт и Iэужь къыщимынэу, щIыуэпсым хэмыIэбэу, пщIэ хуищIу щытатэмэ. |
|
10.05.2024 - 09:03 2024 гъэм накъыгъэм и 1-м къыщыщIэдзауэ къару игъуэтащ хабзэщIэм - зи пIалъэр икIа, жьы хъуа гъэшхэкIхэр, псыхэкIхэр тыкуэнышхуэхэм я кассэхэм дяпэкIэ щыпхагъэкIынукъым. |
|
10.05.2024 - 09:03 Бахъсэн къалэ администрацэм и унафэщI Мамхэгъ Хьэчим иджыблагъэ IущIащ Быф Жэмал и цIэр зэрихьэу а къалэм дэт спорт еджапIэм муай-таймкIэ и тренер Бекбулатов Рашид. |
|
09.05.2024 - 16:58 Путин Владимир Урысейм и Президент къулыкъум иджы етхуанэу пэрыуващ, хэхыныгъэхэм щытекIуа нэужь. А Iуэхум иращIэкIа зэхуэсышхуэр сыхьэтым нэблагъэкIэ екIуэкIащ. |
|
09.05.2024 - 15:02 Налшык дэт къэрал концерт гъэлъэгъуапIэм щекIуэкIащ ТекIуэныгъэм и махуэшхуэм теухуа пшыхь. |
|