Россей Федерацияны Президенти Владимир Путин ишчи тюбешиуню чегинде  Казбек Коков бла ушакъ бардыргъанды. Ол Къабарты-Малкъар Республиканы Башчысыны къуллугъун болжал халда толтурургъа анга буюргъанын билдиргенди.
В.Путин: Казбек Валерьевич, бизни тюбешиуюбюзню, сёлешиуюбюзню баш темасы – бу Сизге тыш жер тюйюлдю, Сизни ёз Къабарты-Малкъарыгъызды. Сизни бла бир тукъумну жюрютген Юрий Александрович Коков къауум болумла, ол санда юйюр бла байламлыла, ючюн аны Москвагъа ишге  кёчюрюрге тилегенди.
Аны себепли мен Сизни бла республика бла байламлы вопросланы сюзерге излейме, чертип айтханда, Сиз кесигиз да анда башха-башха къуллукълада ишлеп тургъаныгъызны, министрни орунбасары, артда Къабарты-Малкъарны Парламентини депутаты болгъаныгъызны эсгереме. Бусагъатда кёп жылладан бери Россей Федерацияны Президентини Аппаратында ишлейсиз.
Мен айтмасам да белгилиди, Сизни юйюрюгюз ёз республикагъыз бла къаты байламлы болгъаны. Сизни атагъыз 1992 жылдан 2005 жылгъа дери республикагъы башчылыкъ этгенди эм аны юсюнден анда жылы эсгериуле сакъланадыла. Ол ахшы башчы эмда ышаннгылы тенг болгъанды.
Сизге туугъан Къабарты-Малкъарыгъызгъа къайтыргъа предложение этеме – биринчи кезиуде республиканы таматасыны къуллугъун болжал халда толтургъан инсанча.
К. Коков: Сау болугъуз. Бек сау болугъуз ышаннганыгъыз ючюн. Мен хазырма.
В. Путин: Ахшы.