«ЛIЫХЪУЖЬХЭМ Я БЫНХЭР» ПЭХУЭЩIЭМ ТЕТУ

Къэбэрдей-Балъкъэрым и егъэ­джэныгъэ IэнатIэм и Iэ­щIагъэлIи 150-м я зэфIэкIым ­хагъэхъуащ «ЛIыхъужьхэм я бынхэр» проектым (пэхуэщIэм)  къриубы­дэу. IэщIагъэлIхэр хуеджащ щы­тыкIэ гугъум ихуа, зи адэр зауэм щыIэ сабийхэм, унагъуэ­хэм зэрадэлэжьапхъэ щIы­кIэ­хэм. Ахэр зи къалэн нэхъыщхьэ зэхуэс ин махуищкIэ ще­кIуэкIащ Псыхуабэ къалэм дэт «Мэшыкъуэ» егъэджэныгъэ центрым. Iуэхум и къызэгъэпэщакIуэт КъБР-м Егъэджэныгъэмрэ щIэныгъэмкIэ и министерствэр, «Мэшыкъуэ» цент­рыр, «Iуащхьэмахуэ» универ­ситет зэгуэтыр. 

Егъэджэныгъэ курсхэм хэтащ ди республикэм хыхьэ щIы­пIэ IэнатIэ псоми я лIыкIуэхэр. Ахэр зэпэщхьэхуэуи гуп-гупуи ­зэ­дэ­лэжьащ, я зэфIэкIхэмкIэ зэдэгуэшащ, сабийхэм яхуэгъэпса проект пашэ зэмы­лIэу­жьыгъуэхэу школым, щIыпIэм, щIыналъэ псом тещIыхьахэр ­утыку ирахьащ. 
«Мэшыкъуэ» къыщызэрагъэ­пэща Iуэхухэм хэтахэм псалъэ гуа­пэкIэ захуигъэзащ КъБР-м егъэджэныгъэмрэ щIэныгъэмкIэ и министр Езауэ Анзор. Абыхэм папщIэ лекцэ купщIафIэхэм­ къеджащ егъэджакIуэ, гъэсакIуэ цIэрыIуэхэр, семинар хьэлэмэтхэр ирагъэкIуэкIащ федеральнэ эксперт зыбжанэм. 
Фигу  къэдгъэкIыжынщи, «ЛIы­­­хъужьхэм я бынхэр» республикэ проектыр КъБР-м и Iэтащхьэ КIуэ­кIуэ Казбек къыхилъхьауэ ди республикэм щолажьэ. Ар бжыгъэр зи лъабжьэ технологиехэмкIэ щIэгъэбыдащи, а щIыкIэм тету къахутэ икIи къапщытэ щы­тыкIэ гугъум ихуа сабийхэр мылъкукIэ къызэрызэгъэпэщамрэ псэ­­рэ псантхуэкIэ яIэ щыты­кIэм­рэ. Проектыр мэ­лажьэ «Хэкум и хъумакIуэхэр» къэрал фондым епхауэ. Абы арэзы техъуащ икIи къадоIэ­пыкъу УФ-м и Президентым и нэ-Iэм щIэту лажьэ, Сабийм и ­хуитыныгъэхэмкIэ уполно­мо­чен­нэ Львовэ-Беловэ Марие.
ЖЫЛАСЭ Маритэ.

Поделиться:

ЧИТАТЬ ТАКЖЕ:

06.05.2024 - 12:35

МУЗЕЙМ И НАКЪЫГЪЭ ГЪЭЛЪЭГЪУЭНЫГЪЭХЭР

КъБР-м и Лъэпкъ музейм и пэшхэм зэуэ выставкэ зыбжанэ щагъэлъагъуэ: «Монументаль­ный Нальчик», «Музыка танца», аэроклубыр Налшык къы­зэ­рыщызэIуахрэ илъэс 90 зэ­ры­рикъум теухуар. 

06.05.2024 - 09:25

ЦIЫКIУХЭМ НЫПЫР ЯФIЭДАХЭЩ

Налшык сабий сад №49-м и гъэсэн цIыкIухэм адыгэ ныпыр ирагъэцIыхуащ. Абы теухуа пшыхь гъэщIэгъуэн иригъэкIуэ­кIащ IуэхущIапIэм и лэжьакIуэ, сабийхэр адыгэбзэм хуезы­гъаджэ Жэрыщты Аринэ.

06.05.2024 - 09:25

ГЪУАЗДЖЭМ И ХЭЩIАПIЭ

«Гардарика - Кавказ» арт-фестивалыр КъБР-м и Лъэпкъ музейм къыщызэIуахащ.

06.05.2024 - 08:10

УРЫСЕЙМ И ЧЕМПИОН ШЭРИЙ ИНАЛБЭЧ

Мэзкуу областым хыхьэ Сколково щIэныгъэ къалэм къикIыу хъыбар гуапэ иджыблагъэ къытIэрыхьащ. Мы махуэхэм абы и «Live Арена» спорткомплексым щекIуэкIащ Урысейм бэнэкIэ хуитымкIэ и чемпионат.

05.05.2024 - 13:17

ЕГЪЭДЖЭНЫГЪЭМ И МАРДЭЩIЭХЭМ ХУОКIУЭ

Ди республикэм лэжьыгъэ IуэхукIэ дыгъуасэ къэкIуащ УФ-м егъэджэныгъэмкIэ и министр Кравцов Сергей.