Къэбэрдей-Балъкъэрым мас-рестлингымкIэ и 10-нэ чемпионатрэ пашэныгъэр къэхьыным хуэунэтIа зэхьэзэхуэрэ иджыблагъэ щекIуэкIащ Налшык къалэм. Абы хэтащ республикэм и щIыналъэ псоми я спортсмену 100-м нэблагъэ.

Командэхэм я зэхьэзэхуэм япэ увыпIэр къыщихьащ Налшык къалэм и гупым, етIуанэ хъуащ Шэджэм къалэм къикIахэр, ещанэр яубыдащ Аушыджэр къуажэм и лIыкIуэхэм.

Щхьэзакъуэ зэпеуэхэм я хьэлъагъ елъытауэ зыхэта гупхэм дыщэ медалхэр къыщахьащ Къардэн Инал (Аушыджэр), ГъукIэлI Идар (Налшык), Атэбий Инал (Шэджэм), Ало Андемыр (Шэджэм), Ержыб Алим (Урыху), КъуэщIысокъуэ Кристинэ (Налшык), АфэщIыж Ричард (Бахъсэн) сымэ.

Зэхьэзэхуэхэм къыщыхэжаныкIахэр мы гъэм хэтынущ Урысейм арм-рестлингымкIэ и чемпионатымрэ пашэныгъэр къэхьынымкIэ зэхьэзэхуэмрэ.

АЛЫДЖЫКЪУЭ Руслан.