Тэтэрстан Республикэм и щыхьэр Къэзан къалэм щекIуэкIащ каратэмкIэ «Ак Барс и Кубок» дунейпсо зэхьэзэхуэр. Къэбэрдей-Балъкъэрым икIауэ мыбы спортсмен 31-рэ хэтащ. Зэпеуэм цIыху минитIым щIигъу зэхуишэсащ, Урысейм и щIыналъэ 49-м нэмыщI, Азербайджаным, Таджикистаным, Къэзахъстаным, Къыргъызым, Ираным, ­Белоруссием къикIахэу. Зэхьэзэхуахэр илъэс 12 - 17  ныбжьым ит хъыджэбзхэмрэ  щIалэхэмрэщ.

Я хьэлъагъ елъытауэ зыхэта гупым япэ увыпIэр къыщахьащ: Къэзанш Артур (килограмм 32-рэ), Яхуэмыгъуэт Аслъэн (килограмм 30), Блий Iэмир (ки­лограмм 34-рэ), Гуэбэшы Аскэр (килограмм 38-рэ), Гуэбэшы Арнеллэ (килограмм 47-рэ), КIэбышэ Ислъам (килог­рамм ­57-рэ).
ЕтIуанэ увыпIэр къахьащ: Сыдакъ Имран (килограмм 25-рэ), Битокъу Булат (килограмм 28-рэ), Сыжажэ Дамир (килограмм 30), Махъсидэ ­Миланэ (килограмм 42-рэ), Глашев Муслъим (килограмм 45-рэ).
Ещанэ увыпIэр: Темукуев Хъалид (килограмм 36-рэ), Байсиев ­СулътIан (килограмм 34-рэ), Мэз Идар (килог­рамм 55-рэ).
КъищынэмыщIауэ, Гуэбэшы Ас­кэррэ КIэбышэ Ислъамрэ нэхъ спортсмен Iэмалшыуэ къалъытащ икIи абы къыхэкIыу саугъэт щхьэхуэ къратащ.