ОТ ТЮШГЕНДЕ АПЧЫМАЗЧА

Россейни МЧС-и жамауатны къоркъуусуз жашау бардырыргъа юйретиуге энчи магъана береди. Ол мурат бла республиканы билим бериу учрежденияларында профилактика ишле тамамланадыла.

Бу жол къутхарыучула Къабарты-Малкъар гуманитар-техника колледжге баргъандыла. Ала студентлеге от тюшгенде кеслерин къалай жюрютюрге керек болгъанларын, къыйын болум чыкъмазча къоркъуусузлукъну жорукъларын эсгертгендиле. Сора, тютюнден ууланмазча амалланы, жашауларына къоркъуу салмагъанлай жана тургъан жерден къалай чыгъаргъа боллугъуну юслеринден айтхандыла, экстренный службаланы номерлерин билдиргендиле. Ызы бла огнетушительни хайырланыргъа юйретгендиле. Колледжни преподавательлери бла да инструктаж бардыргъандыла.

Министерствода ышаннганларыча, быллай мадарла къыйын болумланы азайтыргъа себеплик этерикдиле.

Кульчаланы Зульфия.

Поделиться:

ЧИТАТЬ ТАКЖЕ:

11.02.2025 - 09:03

Нальчикде – Буз ара

Нальчикде жууукъ заманда спортну къыш тюрлюлери бла кюреширча Буз араны ачылыуу боллукъду, деп билдиредиле Спорт министерстводан.

11.02.2025 - 08:53

Къонакълагъа – ариу отоула, сейир жолоучулукъла да

Россейде, тыш къыраллада да белгили «Иткъол» пансионат солугъанлагъа къонакъбайлыкъ этгенли жарым ёмюрден озгъанды. Ол Терс-Къолдан узакъ болмай, нарат агъачны тийресинде орналыпды.

10.02.2025 - 17:26

Туя терек

Туя, тюз назыгъа ушаш, сау жылны жашиллей тургъан терекди. Ол себепден аны арбазланы, жамауат тийрелени, паркланы бла скверлени жашиллендириуде кенг хайырланадыла.

10.02.2025 - 09:27

«Ташны ичи озгъан кезиулени суратлагъан бир дунияды»

Жанхотия элде жашагъан Жабелланы Шамил  баш  излемине ташланы ич дунияларын таныуну санайды. Хар жангы ишинде ол бир умутун толтурады. Аны блады бизни бюгюннгю ушагъыбыз.

10.02.2025 - 09:23

Межгитге, эски журтлагъа да сакъдыла

Шимал Осетия-Аланияда жашагъанланы 80 проценти христиан динни тутадыла. Анга да къарамай, Владикавказда 1908 жылда азербайджанлы меценат Муртаз Мухтаров ишлетген межгит бюгюнлюкде да сюеледи.