Бгылъэ жылэхэм я Iуэху зыIутым зыщегъэгъуазэ

31 марта, 2023 - 06:33

Шэджэм щIыналъэм щыIащ икIи Шэджэм-2 - Булунгу гъуэгущIэм и ухуэ­ныгъэр здынэсар зригъэлъэгъуащ КъБР-м и Iэтащхьэ КIуэкIуэ Казбек.

Гъуэгур тезылъхьэхэм зэрыжаIамкIэ, иджыпсту зи ужь ит Iыхьэр и кIыхьагъкIэ зэрагъэпэщыжынущ. Абы щыщу километр 12,5-р 2022 гъэм зэфIагъэкIащ, километри 9-м иджырей уэздыгъэхэр фIа­дзащ. КъищынэмыщIауэ, метри 134- рэ  зи кIыхьакъ лъэмыжи 5-р зыхуей хуа­гъэзэжащ. Иджыпсту Хъущтэ-Сырт къы­­­щыщIэдзауэ Шэджэм псыкъелъэхэм нэс кIуэ гъуэгум йолэжь, ар километри 2 мэхъу. IэщIагъэлIхэм псы Iуфэхэр ягъэ­быдэ, гъуэгубгъухэр шынагъуэншэ ящI. А псори 2026 гъэм и кIэм нагъэсыну я мурадщ. Гъуэгур нэхъ бгъуэ хъунущ, псым гуимылъэсыкIын хуэдэу быдэу щыты­-нущ. 
Шэджэм псыкъелъэхэм щынэсым, республикэ Iэтащхьэр цIыхухэм ядэуэршэращ, ахэр щIыпIэ дахэм щыпсэухэм я дежкIи, хьэщIэхэм я дежкIи нэхъ тынш, шынагъуэншэ, Iэхуитлъэхуит зэрыхъунум тепсэлъыхьахэщ. 
АдэкIэ КIуэкIуэм зригъэлъэгъуащ Эльтюбю, Булунгу кIуэ гъуэгу километр 25-м я Iуэху зыIутыр, абы лэжьыгъэр мы махуэхэм щаублащи. 
Къэбэрдей-Балъкъэр Республикэм и бгылъэ жылэхэр къыщызэхикIухьым, ­КъБР-м и Iэтащхьэ КIуэкIуэ Казбек яхуэзащ Iуащхьэмахуэ районым щыIэ Гундэлэн къуажэдэсхэми. Ар гуапэу жы­лэдэсхэм ехъуэхъуащ Балъкъэр лъэп­къым и къэщIэрэщIэжыныгъэм и  ма­­хуэшхуэмкIэ икIи республикэм щып­­сэухэм къабгъэдэкIыу фIыгъуэ, зэIузэ­пэщыныгъэ, ефIэкIуэныгъэ яIэну къы­зы­хэщ псалъэ гуапэхэр яжриIащ.

  • 32 просмотра

Поделиться:

ЧИТАТЬ ТАКЖЕ:

16.01.2025 - 12:25

ЩIэблэм я щапхъэщ икIи я гъуазэщ

Бахъсэн къалэм и администрацэм и унафэщI Мамхэгъ Хьэчим иджыб­лагъэ яIущIащ щIыпIэ спорткомитетым и унафэщI Къаскъул Аслъэн, Щауэ Iэхьед и цIэр зезыхьэ спорт еджапIэм и директор Къарэмышэ СулътIан,
16.01.2025 - 09:29

ДэIэпыкъуэгъу хуэныкъуэхэр нэхъапэщ

КъБР-м и Iэтащхьэ КIуэкIуэ Казбек хуэзащ лэжьыгъэмрэ социальнэ дэIэпыкъу­ныгъэмкIэ министр Тогузаев ТIэхьир.
16.01.2025 - 09:27

ГъуэгуфIхэм гъащIэр ягъэтынш

Дызыхыхьа илъэсым ­республикэм и щIыналъэ ­гъуэгухэм хыхьэхэу гъуэгу лэжьыгъэхэр щрагъэ­кIуэ­кIыну щIыпIэхэр яубзы­хуащ. Ахэр 26-рэ мэхъу икIи псоми зэхэту километр 55-м щIигъу я кIыхьагъщ.
16.01.2025 - 09:25

«Адыгэ псалъэм» и хьэщIэ цIыкIухэр

«Адыгэ псалъэ» газетым  и хьэщIэщым къеблэгъащ Нал­шык дэт гимназие  №14-м и унафэщIым гъэ­сэныгъэ IуэхухэмкIэ и къуэ­дзэ Султановэ Саймэ, и гъэ­сэнхэр - 6-нэ классым ще­джэ ныбжьыщIэхэр - щIы­гъуу
16.01.2025 - 09:01

ШахматымкIэ нэхъ лъэщхэр

Налшык къалэм щекIуэкIащ шахмат къызэрыгуэкIымрэ блицымкIэ зэхьэзэхуэхэр. Абы хэтащ сабий 90-рэ балигъыу 20-рэ икIи ахэр я ныбжьрэ яIэ рейтингымрэ елъытауэ гуп-гупу гуэшауэ щытащ.