Шимал-Кавказ статистика управленияны эсеплерине кёре, быйыл  Къабарты-Малкъарны  мюлклерини барында да малланы бла юй къанатлыланы этинден  91,7 минг тонна сатылгъанды. Сютню юсюнден айтханда,  494,6 минг тонна сауулгъанды эм  жумуртхаладан да 192,5 миллиону алыннганды.

Бюгюнлюкде республикада малчылыкъ бла байламлы продукцияны танг кесеги энчи иеликлеге жетеди. Сёз ючюн, этден - 41, сютден - 69 эм жумуртхаладан да 83,3 процентини бу категория жалчытады.

  Элчи фермер мюлкле бла  энчи предпринимательле да   малла бла юй къанатлыланы этинден  союлмагъан ауурлукъда   27,9 процент продукция чыгъаргъандыла. Ол санда сютден - 15,9 эм жумуртхаладан да 0,7 процент алагъа  жетеди.

Саулай алып айтханда, быйыл эл мюлк  организациялада  малланы бла юй къанатлыланы этинден (союмагъан ауурлукда) - 28,3, сютден -75,3 эм жумуртхаладан да 30,8 процент къошумчулукъ этилгенди.

Бизни корр.