Ди сурэтыщIхэм я лэжьыгъэхэр Мейкъуапэ щагъэлъагъуэ

5 августа, 2022 - 07:13

КъуэкIыпIэ лъэпкъхэм гъуазджэмкIэ я къэрал музей Москва дэтым Мейкъуапэ къалэм щиIэ и къудамэм щагъэлъагъуэ ди республикэм и сурэтыщIхэм я лэжьыгъэхэр. Выставкэр къызэрагъэпэщащ Къэбэрдей-Балъкъэр, Къэрэшей-Шэрджэс, Адыгей республикэхэм я къэралыгъуэр илъэси 100 зэрырикъум и щIыхькIэ.

 

Гъэлъэгъуэныгъэр къыщызэIуахым зыкърагъэхьэлIащ икIи абы яфIэщIэщыгъуэу зыщаплъыхьащ Адыгей Республикэм и Iэтащхьэ ХъумпIыл Муратрэ АР-м щэнхабзэмкIэ и министр Аулъэ Юрэрэ.

Музейм къекIуэлIахэм я нэгу зрагъэужьащ Адыгей Республикэм щIыхь зиIэ и артисткэ Даут Сусанэрэ Къэбэрдей-Балъкъэрым щIыхь зиIэ и артист Бэрбэч Аскэррэ.

Республикищым я сурэтыщI IэкIуэлъакIуэхэм я лэжьыгъи 160-рэ щагъэлъагъуэ музейм и къатитIым и пэшхэм. Ди щIыналъэм и художникхэм Мейкъуапэ ирагъэша я лэжьыгъэхэм дыщIагъуащ   республикэм и  музейм и фондым щахъумэхэм, езы    сурэтыщIхэм   я уней гъэтIылъыгъэхэм   щыщи. Абы утыку къыщрахьащ ди арджэнхэр, ятIэ гъэжьам къыхэщIыкIа хьэпшыпхэр, скульптурэхэр. Гъэлъэгъуэныгъэм къекIуалIэхэми къуэш республикэхэм я художникхэми яфIэгъэщIэгъуэнщ ди щIыналъэм  и сурэтыщIхэм я зэфIэкIыр.

Выставкэр шыщхьэуIум и 15 пщIондэ екIуэкIынущ.

  • 23 просмотра

Поделиться:

ЧИТАТЬ ТАКЖЕ:

16.05.2026 - 09:03

Наркотикым щахъумэ

КъБР-м щыIэ МВД-м къыщапщытэжащ «Ажалыр щащэр къыджеIэ» наркотикым пэщIэт урысейпсо акцэм и япэ Iыхьэм кърикIуахэр.
16.05.2026 - 09:03

Адыгэ цIыхубэ уэрэдыжьхэм я пшыхь

ЩоджэнцIыкIу Алий и цIэр зезыхьэ Къэбэрдей къэрал драмэ театрым накъыгъэм и 14-м щекIуэкIащ адыгэ цIыхубэ уэрэдыжьхэм я фестиваль-зэпеуэ, КъБР-м и цIыхубэ артист, Адыгэ Республикэм щэнхабзэмкIэ щIы
15.05.2026 - 15:02

Къытхуэнащ и гуащIэр

УсакIуэ, зэдзэкIакIуэ, Къэбэрдей-Балъкъэрым и цIыхубэ тхакIуэ, щэн­хабзэмкIэ щIыхь зиIэ и лэ­жьа­кIуэ Елгъэр Кашиф Мысост и къуэм и фэеплъ пхъэбгъу ар щыпсэуа, Лениным и цIэр зезыхьэ уэрамым тет 42
15.05.2026 - 09:03

Университетыр къыхызох

Бэрбэч ХьэтIутIэ и цIэр зезыхьэ Къэ­бэрдей-Балъкъэр къэрал университетым  и бжэхэр махуитIкIэ яхузэIуихащ школыр мы гъэм къэзыух ныбжьыщIэхэм.
15.05.2026 - 09:03

Дипломат ныбжьыщIэхэр ягъэхьэзыр

ООН-м къызэригъэпэщ «Мамырыгъэм    и жьэгу» джэгукIэм тращIыкIауэ Кавказ Ищхъэрэм щрагъэкIуэкI зэхыхьэр иджы­благъэ ди республикэм щызэхашащ.