КЪБР-М И IЭТАЩХЬЭ КIУЭКIУЭ КАЗБЕК IЭ ЩIИДЗАЩ ЩIАЛЭГЪУАЛЭМ Я IУЭХУХЭМКIЭ МИНИСТРЫМ ТЕУХУА УКАЗЫМ

25 июня, 2022 - 08:17

КIуэкIуэ Казбек Iэ щIидзащ Лу Азэмэт Къэбэрдей-Балъкъэр Республикэм щIалэгъуалэм я IуэхухэмкIэ министру гъэувыным теухуа указым. Документыр къралъхьащ КъБР-м и Iэтащхьэм и официальнэ сайтым.

Къэрал властым и щIыналъэ гъэзэщIакIуэ органыщIэ-Къэбэрдей-Балъкъэр Республикэм ЩIалэгъуалэм я IуэхухэмкIэ и министерствэ республикэм и Iэтащхьэм мы гъэм накъыгъэм и 18-м къыдигъэкIа указым ипкъ иткIэ къызэрагъэпэщащ.
Министерствэм и унафэщIу ягъэувам щIалэгъуалэм ядэлэжьэным, мыхьэнэшхуэ зиIэ социальнэ щIалэгъуалэ проектхэр зэхэлъхьэнымрэ ахэр гъэзэщIэнымрэ фIыуэ хещIыкI. Ар федеральнэ мыхьэнэ зиIэ апхуэдэ щIалэгъуалэ проектхэми хэлэжьыхьащ икIи абыхэм папщIэ УФ-м и Президеным и фIыщIэ тхыгъэхэр тIэунейрэ къыхуагъэхьащ.
Лу Азэмэт нобэм къэс Кавказ Ищхъэрэ федеральнэ университетым щIалэгъуалэ политикэмкIэ и проректору мэлажьэ.
2007 гъэм щегъэжьауэ 2009 гъэм нэсыху Лу Азэмэт Бэрбэч Хь.М. и цIэр зезыхьэ Къэбэрдей-Балъкъэр къэрал университетым и студентхэм я советым и тхьэмадэу щытащ. Нэхъ иужькIэ а еджапIэ дыдэм щIалэгъуалэ политикэмрэ гъэсэныгъэ лэжьыгъэмкIэ и управленэм и унафэщIым и къулыкъур иIыгъащ. Абы къыдэкIуэу ар щIэныгъэ лэжьыгъэми къыхэкIакъым- социальнэ лэжьыгъэм и теориемрэ технологиемкIэ кафедрэм и доценту щытащ, социологие щIэныгъэхэм я кандидатщ. Апхуэдэу ар университетым стратегие зыужьыныгъэмкIэ и управленэми и пашэу щытащ. 20I8 гъэм щыщIэдзауэ КъБР-м ЦIыхухэр егъэджэнымкIэ, щIэныгъэмкIэ, щIалэгъуалэм я IуэхухэмкIэ и министерствэм зыужьыныгъэмкIэ и центрым и унафэщIым и къуэдзэу лэжьащ. 2020 гъэм Кавказ Ищхъэрэ федеральнэ университетым гъэсэныгъэ лэжьыгъэмкIэ и проректорым и къуэдзэу ирагъэблэгъащ, а гъэ дыдэм а еджапIэм и проректору ягъэуващ.
2017 гъэм щегъэжьауэ 2020 гъэм нэсыху Лу Азэмэт Налшык къалэ округым щIыпIэ унафэр зегъэкIуэнымкIэ и советым и депутату, 2019 гъэм щегъэжьауэ 2021 гъэм нэсыху Парламентар ныбжьыщIэхэм я палатэу Урысей Федерацэм и Федеральнэ Зэхуэсым ФедерацэмкIэ и Советым и деж щыIэм хэтащ.
 

 

КъБР-м и Iэтащхьэмрэ Правительствэмрэ я пресс-IуэхущIапIэ.

  • 17 просмотров

Поделиться:

ЧИТАТЬ ТАКЖЕ:

26.04.2024 - 17:08

ФЭЕПЛЪ ЖЫГ ХАДЭХЭР ЯГЪЭТIЫСЫНУЩ

Урысейм мы гъэм етхуанэу щекIуэкIынущ къыдэкIуэтей щIэблэм я зэхэщIыкIым хэзыгъахъуэ, я щIэжым лъабжьэ быдэ езыгъэщI Iуэхугъуэ дахэ.
26.04.2024 - 17:07

ТЫЗЫЛЫКЪУЭР ПЭЩIЭДЗЭТ

Ди республикэм къухьэпIэмкIэ щежэх Балъкъ и псыхъуэм щхьэщылъагыкI Къэнжал бгыщхьэ тафэ хэшам и Iэхэлъахэм I708 гъэм зыщызэпашауэ щытащ Кърым хъаныгъуэу къэзыухъуреихь лъэпкъхэмрэ къэралыгъуэхэмрэ

26.04.2024 - 09:05

УЭРАМЫР КЪАГЪЭЩIЭРЭЩIЭЖ

Бахъсэн щIыналъэм хыхьэ Дыгулыбгъуей къуажэм мы махуэхэм щызэрагъэпэщыж Бахъсэным и цIэр зезыхьэ уэрам нэхъыщхьэр.
26.04.2024 - 09:03

ОЛИМП ЧЕМПИОНЫР ЯЩЫГЪУПЩЭРКЪЫМ

Олимп джэгухэм я чемпион Новиков Сергей и фэеплъ дунейпсо зэхьэзэхуэ универсальнэ зауэмкIэ (Унифайт) Мэзкуу областым и Домодедовэ къалэм иджыблагъэ щекIуэкIащ.
26.04.2024 - 09:03

КУБОКЫР КЪЫЗДАШЭ

Краснодар крайм иджыблагъэ щрагъэкIуэкIащ Кубаным и Кубокыр футболымкIэ къэхьыным хуэунэтIа зэхьэзэхуэ зэIуха. Саугъэт лъапIэм щIэбэнащ къэралым и щIыналъэхэм щыщ ныбжьыщIи 150-м щIигъу.