Абу-Даби и тхылъ гъэлъэгъуэныгъэХьэрып Эмират Зэгуэтхэм я къалащхьэ Абу-Даби щекIуэкIа 31-нэ дунейпсо тхылъ гъэлъэгъуэныгъэ-жармыкIэм ирихьэлIащ Урысейм и тхакIуэхэр, зэдзэкIакIуэхэр. Къэралым икIа гупым хэтащ зи лъэпкъыбзэкIэ тхэ усакIуэхэу Къаныкъуэ Заринэ (Налшык), Галиуллин Рустем (Къэзан), Джалиловэ Айгюн (Мэхъэчкъалэ), Цуруев Шарип (Грозный) сыми. Урысейм и тхылъ гъэлъэгъуапIэр (стендыр) игъэхьэзыращ Гуманитар тхылътедзапIэ зэхэтым (ОГИ). Абы щагъэлъэгъуащ иужьрей илъэсхэм къыдэкIа художестветннэ тхылъхэр, тхыдэм теухуахэр, сабийхэм папщIэ ятхахэр. - Гупым къытхэтащ урысыбзэкIэ, лъэпкъыбзэхэмкIэ тхэхэр. Дэ дытепсэлъыхьащ бзитIымкIи уи тхыгъэхэр бгъэпсыным фIагъыу хэлъым, тхыгъэхэр зэдзэкIыным пыщIа Iуэхухэм. Мыпхуэдэ дунейпсо щэнхабзэ зэхьэзэхуэхэр псом хуэмыдэу щхьэпэщ къэралышхуэм и щIыналъэхэм икIхэм я дежкIэ. Къэрал зэмылIэужьыгъуэхэм щыщ тхакIуэхэм даIуощIэ, додаIуэ, ныбжьэгъу дызэхуохъу. Гъэлъэгъуэныгъэр щIэщыгъуэу екIуэкIащ. Абы хэтахэм зыщыдагъэплъыхьащ Луврым и филиалу Абу-Даби щыIэм, - жиIащ Къаныкъуэ Заринэ. Гъуэт Синэ.
Поделиться: ЧИТАТЬ ТАКЖЕ:
|