Битеулю эм орта билим бериу учрежденияланы араларында «Без срока давности» деген битеуроссей эришиу бардырылгъанды. Аны чегинде архив документле ачыкъланнгандыла, жарыкъландырыу акцияла бла илму конференцияла къуралгъандыла, школчула бла студентле, волонтёрла болуп, излеу ишлеге къатышхандыла. 
Конкурсантланы араларында Быллымны Ахматланы А.М. атлы орта школуну 8-чи классыны окъуучусу Ахматланы Елена болгъанды. Аны мектепни директоруну орунбасары Ёзденланы Афуажанны башчылыгъында жазгъан «Анам, мен къайтырыкъма!» деген иши «Архив документлени излегени эм хайырланнганы ючюн»  номинацияда биринчи жерни алгъанды. Елена, башха хорлагъан конкурсантла бла бирге саугъасын Москвада Хорламны музейинде 8 майда аллыкъды. 
Эм иги ишле жыйымдыкъгъа кирликдиле, ол а билим бериу учрежденияланы китапханаларына юлешинирикди.

Анатолий ТАЛАЕВ.
Суратда: Ахматланы Елена  Ёзденланы Афуажан бла.