Къабарты-Малкъарны хурметли халкъы!

28 мартда бирлешген Къабарты-Малкъарны санында малкъар халкъны къыраллыгъы къайтарылгъанлы 65 жыл толады. Ол шарт тарых кертиликни эм тюзлюкню байрамы болгъанды эм биз аны Малкъар халкъны жангырыууну кюнюнча белгилейбиз.

Тарых Ата журтуна къайтхандан сора малкъар халкъ республикада жашагъанланы барыны да тири болушлукълары бла къысха заманны ичинде толу жашаугъа къайталгъанды. Озгъан онжыллыкълада социал, маданият эм экономика ёсюуде аны жетишимлерин белгилерчады.  Биз ол жетишимлеге битеу жюрегибизден къууанабыз эм ала бла ёхтемленебиз.

Бюгюнлюкде малкъар халкъ, келлик кюннге жарыкъ умутлары эм ышаныуу бла кёлленип, Къабарты-Малкъарны бла Россейни айныуларына уллу юлюш къошады. Бирге, бирликде эм къарындаш байламлыкъда биз къайсы къыйынлыкъланы да онглаяллыкъбыз, ёз республикабызны эм бизни Ата журтубузну игилигине деп салгъан борчларыбызгъа жеталлыкъбыз.

Битеу жюрегимден Къабарты-Малкъарны жамауатын бу аламат байрам бла алгъышлайма эм барыгъызгъа да саулукъ-эсенлик тежейме.