Къэрэшей-Шэрджэсым щекIуэкIащ тхэквондомкIэ урысейпсо щIалэгъуалэ зэхьэзэхуэ. Черкесск къалэм дэт «Юбилейный» спортымкIэ уардэунэм и алэрыбгъухэм щызэхуэсащ къэралым и щIыналъэ куэдым къикIауэ зи ныбжьыр илъэс I2-м къыщыщIэдзауэ I7-м нэблагъэ спортсмен 500-м щIигъу.
Зэхьэзэхуэм медаль зэмылIэужьыгъуэ 24-рэ къыщахьащ Къэбэрдей-Балъкъэрым щыщ спортсменхэм. Я ныбжьрэ хьэлъагърэ елъытауэ зыхэта гупхэм дыщэ медалхэр къыщахьащ Тхьэмокъуэ Элинэ (кг 33-рэ), Бекъул Миланэ (кг 44-рэ), Геграевэ Даринэ (кг 44-рэ), Къэзанш Даринэ (кг 49-рэ), КIэблахъуэ Рузанэ (кг 55-рэ), Усен Дамир (кг 41I-рэ), Щокъуий Ислъам (кг 51-рэ), Багъ Идар (кг 55-рэ), Жылау Андемыркъан (кг 73-рэ).
Илъэс 10-11 зи ныбжьхэм я деж Къэбэрдей-Балъкъэрым щыщ спортсменхэм къыщахьащ псори зэхэту медаль 12, абыхэм ящыщу 5-р дыщэщ.
Япэ увыпIэхэр яубыдащ Елгъэр Алинэ (кг 26-рэ), Теувэжыкъуэ Руслъан (кг 28-рэ), Малкандуев Дамир (кг 32-рэ), Щоджэн Басир (кг 34-рэ), Коробкэ Александр (кг 4I-рэ).
Ди спортсменхэр зэхьэзэхуэм хуагъэхьэзыращ Ахъмэт Амир, Кугъуэндокъуэ Ялдар, Унэжокъуэхэ Къантемыррэ Абдельджабаррэ, Тикаев Индрис, Хъан Станислав, Хъурей Беслъэн, БжэныкIэхэ Рахимрэ Резуанрэ.
Къэхъун Бэч.
