Тюнене Москвада РФ-ни Правительствосуну Председателини орунбасары Виталий Мутко видеоконференция халда битеуроссей селектор кенгеш бардыргъанды. Анга видео байламлыкъла халда КъМР-ни Правительствосуну Председатели Мусукланы Алий да къатышханды.

РФ-ни табийгъат байлыкъла эмда экология министри Дмитрий Кобылкин бардыргъан кенгешде Къабарты-Малкъарны къоркъуулу табийгъат къыйынлыкъланы болдурмаз жаны бла проектине къаралгъанды. Аны юсюнден министерствону интернет-сайтында айтылады.

Къабарты-Малкъарда эл мюлкню битеу мюлклеринде да, ала къайсы форма бла ишлегенлерине да къарамай, продукцияны ёлчеми быйылны жети айында  шёндюгю багъала бла 15,7 миллиард сомгъа жетгенди эмда былтырны бу кезиую бла тенглешдиргенде 102,4 процентни тутады.

Тюнене Россейни Президенти Владимир Путин  Пятигорскда «Машук-2018» Шимал-Кавказ жаш тёлю билим бериу форумгъа къатышханла бла тюбешгенди.

КъМР-ни Къурулуш эмда жол мюлк министерствосунда Къытайдан «SINOCONST» компанияны келечилери бла тюбешиу болгъанды.

КъМР-ни Башчысы Юрий Коков Пятигорскда Шимал Кавказны жаш тёлюсюню  «Машук-2018» деген тогъузунчу билим бериу форумуну ачылыууна къатышханды.

Къабарты-Малкъар «Машук-2018» форумда миллет майданын биринчи болуп къурагъанды. Анда республикада жашагъан юч баш миллет, юч аууз кеслерини арбазларын жайгъандыла: Зольск райондан къабартылыла, Черек райондан таулула, Май райондан да  къазакъла.

Кёп болмай «Чайна Дейли» (Къытай), «Республика» (Азербайджан), «Трибьюн» (Франция), «Аль-Халидж»(ОАЭ), «Актуальне» (Чехия), «Фоторепортёр» (Венгрия) газетлени, Тюркню, Сауд Аравияны эм Италияны  телевиденияларыны журналистлери Шимал Кавказ федерал округну регионларында  пресс-тургъа къатышхандыла

Къабарты-Малкъарны тауларында къар юзюлюп, Росгвардияны тёрт къуллукъчусу ажымлы ёлгендиле. Республиканы Башчысы Юрий Коков аланы жууукъларына бла ахлуларына къайгъы сёз бергенди.

КъМР-ни Правительствосунда тюнене бардырылгъан семинар-кенгешде сёз РФ-ни коррупциягъа къажау законлары Къабарты-Малкъарда къалай толтурулгъанларыны, норматив-право актланы хазырлауда алагъа не магъана берилгенини эмда республикада бу жаны бла болумну юсюнден баргъанды.